कोई भी हरियाणा से बाहर का डाक्टर हरियाणा
में आकर डाक्टर की दुकान नहीं खोल सकता

क्यों? 😉😉

क्योंकि हरियाणा के मरीज की बिमारी हरियाणा के डाक्टर के अलावा कोई समझ ही नहीं सकता

जैसे :-

“भीतरले म धूमा सा उठै है”
“आख्या म त झल सी लकडै हैं”
“गात में उचाटी सी लाग री है।”
“जी कुलमुलावे है।”
“पेट मे धुकड़ धुकड़ हो री है।”
“हाथ झूठे पड़ रे स”
“हरकत हो री स”
“कालजा लकर लकर करे स”
“सिर मै चिड़िया सी बोले सै”
“कड़ मै तरेड़ सी पाटै सै”

या चुटकला तो ना है सच्ची घटना है मेरे साथ घटी थी …
एअरइंडिया मैं युनियन बाजी के चलदे एअर होस्टैस बी पचपन छप्पन की हो कै रिटायर होवैं सैं समझै वे खुद नै सोलां साल की सैं … अर इकोनमी क्लास आले कस्टमर गैल्यां बिहेव न्यू करैं जणूं वा उनकी छात्ती पै बैठ कै जा रया हो … ढाई घंटे की फ्लाइट थी दिल्ली तै आबूधाबी की मेरी एकबै … वा नास्ता ब्रेड बटर , चटनी बर्गर सा दे कै गई …
अर पैग तो दो प्हल्यां ए ला लिए थे …
तीस लागगी … धौरै तै जावै थी मखा मैडम थोड़ा पानी ला दिजीए प्लीज …
ना सुणी …
अगली बार नजदीक तै लिक्ड़न लाग्गी मखा मैडम पानी ला दो …
ना जी …
तीसरी बार बी कोए असर ना …
फेर तो मेरे अंदर का हरयाणवी जाग ग्या घणी दूर थी मैं रुक्का दे कै बोल्या … ओ आंटी जी पाणी प्यादे गला सूख रया है …
दस सैकेंड मैं ले कै आई आंख्यां तै अंगारे बरस रे थे अर बोतल मेरे स्यामी एडजस्टेबल टेबल पै पटक कै गई … ड्युटी थी ना तो मेरे सिर पै मारती ..

पुलिस आला :- तन्नै चोरी करी अक ना ,
चोर :- ना करी …
पुलिस आले नै खैंच कै रैप्टा मारया :- ( पड़ाक ) के कवै ना करी ,
चोर :- जी करी थी …
पुलिस आला :- ( पड़ाक ) के कवै करी थी ,
चोर :- जी और के कंऊऊऊऊ …
पुलिस आला :- ( पड़ाक ) साले वा बी मैं बताऊं ,
चोर :- हे भगवान कित फस ग्या …
पुलिस आला :- ( पड़ाक ) हरामजादे इसमैं भगवान कित तै आ ग्या …
चोर :- मैं तो भगवान नै याद करूं था या बी जुर्म है के …
पुलिस आला :- ( पड़ाक ) साले मन्नै कानून सिखावैगा … बोलिए ,
चोर :- मैं बोलूंगा तूं फेर मारैगा …
पुलिस आला :- ( पड़ाक ) अरै कुत्ते मैं मर्डर्र हूं के जो मार दूंगा … बोल ,
चोर :- ………………
पुलिस आला :- ( पड़ाक ) बोल ईब ,
चोर :- ………………
पुलिस आला :- ( पड़ाक ) अरै कुछ तो बोल ,
चोर :- ……………..
पुलिस आला दूसरे पुलिस आले तै :- चाल भाई बलबीर चाय पीकै आंवैं हो लिया आज का कोट्टा पूरा … 😎😎😎
Moral of the story _ चोरी बेसक तै कर लियो पर म्हारी हरयाणा पुलिस तै मत फस जइओ

मैं अपणे छोरे तै बोल्या … देख ब्रो मैं रुढ़ीवादी बाब्बू ना हूं … मैं अर तूं फ्रैंड हैं आज तै तूं मेरी गैल्यां खुल कै बात कर सकै है बडी …

आग्गे तै बोल्या … या ब्रो आई थिंक सो … बट देअर इज सम प्रोब्लम भाई … अपणी आईटम नै समझा ले … कदिए छेत गेरै मन्नै … आई डोंट लाइक दिस हुंह …

कूण मैं बैठया रो रया है इब झकोई … मेरे अंदर का बाब्बू जाग ग्या अर उसनै मेरी इजाजत लिए बिना थप्पड़ा दिया मेरा फ्रैंड … 😏😏😏

अरै कुत्ते तेरी मां है मेरी आइटम …

छोरा दिल्ली आली छोरी तै :- यू लव मी ना … 😎

छोरी :- नो … 😗

छोरा :- प्लीईईईज बोल दे ना यू लव मी … 😍

छोरी :- आई से नो मीन्स नो … 😗

छोरा :- देख ले भाई तै नाट्टै है … ओ तेरी बेब्बे कै थु थु थु … सोरी सोरी

टीचर :- “आंधे की माक्खी राम हटावै” इस मुहावरे का वाक्य में प्रयोग करो ,
छात्र :- जी माणस बेसक दारू पीकै आंधा बोला हो रया हो , पर दारू का गलास आंख बंद करकै पी सकै इतिहास गवाह है दारू के गलास मैं माक्खी ना गिरती क्योंकि “आंधे की माक्खी राम हटावै” … 😝😝
टीचर :- बाहर लिक्ड़ क्लास तै कमीण अर सांझ नै मिलिए .

क्या आप जानते हैं … ?
कई मछलियां अंडे नही बच्चे देती हैं …
हाथी ढलान की तरफ तेज नही दौड़ सकता …
आप अपनी जीभ नीचे के दांतो से टच करके गर्लफ्रैंड नही बोल सकते …
बंदर कभी भी अप ……………. तूं गर्लफ्रैंड बोल ले प्हल्यां मैं तो ज्ञान बाद मैं बी दे ल्यूंगा

काल तूफान ढंग तै ना आया ,

मखा भागवान चाल तन्नैं इस्से खुशी मैं बाहर बढ़िया डिनर करवा कै ल्याऊं … डेड़ घंटा लाकै तयार होई बचारी अर आठ बजरे थे …

बोली चलो जी मैं तयार हूं हंजी … 😗

मैं बोल्या यार कुछ मूढ़ ना हो रया बाहर जाण का घर मैं बणा ले नैं किम्मै …

तूफान आना चइए मतबल आना चइए … आ ग्या

बैड तलै बड़ रया हूं तूफान तै बचण तंइ

बाब्बू का वाटर हीटर … 😅😅😅

तड़की बाब्बू लट्ठ लेकै खड़या होग्या अक आज तूं ठंडे पाणी गैल नहावैगा गात मैं फुर्ती आई रै सारा दन …

मखा बाब्बू रिस्तेदार बी बुलाले अंतिम किरया करम बी करणा पड़ सकै है …

बाब्बू नै वाए लट्ठ दिया कड़ मैं घुमा कै … बस फेर के उस लट्ठ की गरमी इतनी अत्याअधिक थी यारां नै पाणी की ठंडक महसूस ए ना होई .