प्लस टू का रिजल्ट आया …

बाब्बू गब्बर … छोरा कूण मैं खड़या

बाब्बू … कितने पेपर थे … टूंऊंऊंऊंऊं ( बैकग्रांउड सांउड )

छोरा … बाब्बू घणे थे …

… कितनैयां मैं फैल होया … टूंऊंऊंऊं

…. बाब्बू सप्ली आरी हैं

… याके सौदा है रै , पास होया …

… हां बाब्बू … ना बाब्बू … वा बाब्बू वा तो बाब्बू कलियर कर दयुंगा

… सुसरे सिधा पास क्यों ना होया अर फेर बी उल्टा आ ग्या खाली दमाग … अरे ओ भीरे की माँ कितना खरच होया इसपै इस साल … टूंऊंऊंऊं

… जी पूरे पैंतिस हजार

… सुण्या तन्नैं पूउउरे पैंतिस हजार अर या पैंतिस हजार ज्यांतै अक मेरा बेट्टा आई ए ऐस बणैगा मेरा नाम करैगा … अर तन्नैं मेरा नाम मिट्टी मैं मिला दिया … अब तेरा क्या होगा भीरे … टूंऊंऊंऊं

… बाब्बू न्यू तो खड़के का रामा भी फैल हो ग्या , बिंदर का लिल्लू बी फैल हो ग्या , रामधारी का गुल्लू बी फैल हो ग्या , बीरपाल का …

… आच्छया रै या बात है के चल फेर बरफ लिकाड़ कै ल्या फरीज मैं तै पैग लाण का टैम हो रया

इंटरयू देण गया था इधर उधर के सवाल करकै वा बोल्या :- तो आपकी कोई कमजोरी भी है तो बताओ …

मखा जी मेरै पैग लाग रहा हो अर मेरे को कोए गंवार कैह दे तो मैं उसको साला बावली बूच बोल देता हूं जी …

बोल्या … ओह ये तो तुम सचमुच गंवारो वाली हरकत करते हो ,

मखा ओ साले बावली बूच अपणी लिमट मैं रै लिए …

फेर बेरा ना के होया सालेयां नै मेरा मुंह सूंघ सूंघ छेत्या मैं

हाए रै गरमी …

म्हारे झोट्टे नैं छोह मैं आकै लिया जोड़िया तोड़ ,
भाज्या बिदक कै गाली देंदा बड़ गया भित्तर जोहड़ ,

बड़ गया भित्तर जोहड़ , बोल्या बाहर नी आंदा ,
ना तूं कदे नहावै … अर ना मन्नैं नुहांदा …

एक लड़की क पेट म दर्द होग्या अर वा डाक्टर धौरै गई…
डाक्टर :- रात नै के खाया था?
छौरी :- रात को मैंने हैमबर्गर, फ्राइड राईस, कार्न पिज्जा, चिल्ली पनीर और थोड़ी चिल्ड कोक ली थी।
डाक्टर :- फेसबुक कोन्या यो, साच्ची बता के खाया था?
छौरी :- जी, बथुऐ का रायता

मैं अपणी सैटिंग के बाब्बू तै :- अंकल जी मैं आपकी बेटी तै ब्याह करणा चांऊ हूं … प्यार करुं हूं जी उस गैल्यां …

बोल्या :- भाई कितनाक कमाले है मिहने मैं …

मखा जी पच्चिस हजार … 😎😎

बोल्या रै बावले बीस हजार तो मेरी छोरी का जेबखर्च है मिहने का …😏😏

मखा जी वा जोड़ कै ए बता रया हूं सर … 😎😎

सुसरे नैं कुत्ते पाच्छे ला दिए … अर ये साले कुत्ते दो किलोमीटर तंइ भजाया मैं … बता इनकी के बेब्बे लाग्गै …

राहुल गांधी की मां क्रिश्चियन दादा पारसी …
अर वा बण ग्या कौल दतात्रेय ब्राह्मण ?

मोदी गुजरात के मोद समुदाय के उच्च कुल तै अर वा खुद नैं दलित बतावै …
ये क्या हो रहा है भाई ये क्या हो रहा है … ???

सारे रल कै देस का C … बणारे हैं अर जो इन नेताओं के पाच्छे लागरे हैं वो पक्के C… हैं

जवाब हो तो कमैंट करियो …

थोड़ी कड़वी लागैगी … छोह मैं मतना आइओ …
म्हारे देस मैं घणखरी छोरियां स्कूल कॉलेज मैं ऐडवांस पणे का रोला करैं अक हमनै कुछ भी बोलण की अजादी चइए , कुछ बी पहरण की अजादी चइए , कंही बी अकेले आण जाण की अजादी चइए , किसी के साथ बी कैसा बी सबंध बणान की अजादी चइए …
अर याए छोरियां ब्याह पाच्छै अपणे पति का मोबाइल तो के जुराब तक सूंघ मारै अक कित कित गया था अर किस किस तै मिलया था आज सारा दिन .

. भाई तेरे भतिजे नै प्लस टू फ्रस्ट कलास तै पास करली , ईब आगै के कराऊं … ?

… भाई न्यू कर उसतै बी टैक करादे , यां ऐम बी ए करलेगा … दिमाग तो बढ़िया है बेट्टे मैं ,

… फेर भाई ये कोरस करे पाच्छै बढ़िया जॉब पाजागी नै … ?

… ना यार जॉब का चक्कर ना है जिसकी रेहड़ी पै जितनी बड़ी डिग्री टंगी पावैगी उसके पकोड़े उतने जादा बिकैंगे … इब ये मैट़्रिक प्लस टू आल्यां के पकौड़े ना खरिदने का कोई , कम्पिटिसन का जमाना है भाई …

जा रै थारी … इनकी बेब्बे कै पकौड़े मारुं ..

देविओ और सज्जनो ( वैसे छौ मैं मत आइयो भाइयो मन्नैं थारे तै सज्जन बोल दिया 😉 ) तो आइए आज इस राज से पर्दा उठाते हैं कि पति हमेशा रात को घर लेट क्यों आता है … ?

No. 01 :- शादी के तुरंत बाद … सब घर वाले सो जांए फिर जांऊगा … और जाते ही मनमोहनी संग डाइरैक्ट ईलू ईलू … 😍

No . 02 :- शादी के पाँच साल बाद … यार थोड़ा लेट घर जांऊगा तब तक बच्चे सो जाएंगे … नो डिस्ट्रबैंस प्राणप्यारी से जाते ही प्यार भरी गुटरगूँ करूंगा … 😘

No. 03 :- दस साल बाद … रात बारां बजे … बार में पीने बैठे पति को वेटर बोलता है “ए शाब बश करो अबी घर जाओ बार बंद होने का टाइम हो गया है ” तो सामने से वो एक दर्द भरी मुस्कान चेहरे पे ला के बोलता है … “चल्या जाउंगा मेरे दोस्त , भाई चल्या जाउंगा थोड़ी देर और डट ज्या बस तब तक वा मेरी सास्सु आली सो लेगी तो मैं बी जाकै अराम तै सो जाउंगा मेरे बीर … ना तो फेर दिमाग का दही करैगी रोज की ढाल … चल्या जाउंगा बेट्टे , वेटर साब चल्या जाउंगा ..

पत्थर उठा के मारते हैं मेरे ही मुझको …

दीवाना हो गया हूं मैं … देख के तुझको ,

तूं खुद भी खुद के जलवे से अंजान है शायद …

तिरछी नजर से आइने में देख तो खुद को

कहानी घर घर की …
पत्नी :- एजी सुणे है सब्जी के बणांऊ रात खात्तर …
पति :- बणाले यार जो तेरा जी करै ,
… ना थम बताओ ,
… दाल बणाले ,
… दपैहरी बी तो दाल थी
… फेर आलू बैंगण बणाले ,
… बालक ना खाते खुश होकै ,
… राजमा …
… ईब भिगो ना राक्खे घणा टैम लाग जागा ,
… अंडे पड़े होंगे फ्रिज मैं ,
… राम राम वीरवार है आज ,
… होटल तै लिआऊं कुछ ,
… ऐं हैं गंदी संदी सब्जी रांद दें हैं होटल आले तो ,
… तो बणाले नै यार जो तेरा जी करै ,
… ना थम बताओ …

सुबह से लेके शाम तक …

शाम से लेके रात तक …

रात से फिर सुबह तक …

सुबह से फिर रात तक

फोन पै मंडया रवै … भाई यां तो तूं कुंवारा है यां तेरी लुगाई गैल्यां ना बणदी .

भोलेनाथ: मांगो वत्स क्या चाहिए?
भक्त : मुझे पत्नी के साथ लड़ने की शक्ति दो। हिम्मत दो। बुद्धि दो प्रभु।
भोलेनाथ: इसको एक तरफ बैठाओ शायद भांग ज्यादा पी गया है

एक बंदे नै मीट की दुकान खोली अर बाहर बोरड पै लिख दिया ….

यंहा बकरे का ताजा मीट मिलता है

एक आया बोल्या … भाई आसपास और बी मीट की दुकान है के … ?

कसाई बोल्या … नां तो …

बोल्या फेर यंहा क्यों लिख रख्या वातो दिक्खण लग रया …

कसाई नै यंहा मिटा दिया … रै ग्या बकरे का ताजा मीट मिलता है

फेर एक आया … मुर्गा मच्छी बी बेचे करै के

… ना भाई

फेर बकरे का क्यों लिख राख्या … वा तो दिक्खणे लाग रया

बकरे का मेट दिया … रै ग्या ताजा मीट मिलता है

एक और आया … बासी मीट बी बेच्चे करै तीन चार दिनां का

बोल्या ना रै भाई

फेर ताजा क्यों लिख राख्या … लोग शक करैंगे

ताजा हटा दिया रै ग्या … मीट मिलता है

एक और हस्ती आई … भाई दाल सब्जी बी बेचे करै ?

ना यार दिखता नाके

फेर मीट मिलता है क्यों लिख राख्या … लोग आंधे हैं के

पूरे बोरड पैए पोच्छा मारकै बैठ ग्या

फेर एक महान शख्श आया अर बोल्या … भाई इतनी बड़ी दुकान खोल कै बैठ ग्या … बोरड बी है इसपै इतना ना लिख सकता …

यंहा पर बकरे का ताजा मीट मिलता है … 😏😏😏

कसाई नै बकरे का सींग बगाकै मारया साले कै