मेरे तै कार मैं किडनैप कर लिआ …
उनकी कोई बात सुणन तै प्हल्यां ए मैं बोल्या … Thanks भाइयो बचपन तै सपना था कार मैं बैठण का आज आपनै पूरा करया … 😊😊😊
सालेयां नै कार सैड मैं रोक कै मैं ठाकै बाहर गेर दिया
घणे बेकार लिकड़े यार … मेरे तै कैंदे मैं अपणे आप ना उतर जांदा … औच्छे बदमास हुंह .

फोन करकै बोली :- मेला बाबू तंहा है … 😗

मखा थाने आया हूं … 😏

बोली … ओooo मेले बाबू को भुक्खू लगी थाना था लहा है … 😗

मखा ओ भूरी चमगादड़ बाइक एक्सिंडैंट हो गया था पुलिस आले ठा ल्याए मन्नै थाने … समझगी तोतली मकौड़ी … 😡

बोली … ओooo मेला बाबू नलाज हो दया … छोooली … 😗😗😗

धणे फरी टैम मैं बणाई थी राम नैं या आइटम मेरे तंई

उपर आला ठाल्ली बेठ्या था एक दन … के करूं … के करूं …
उसके तो सोचने की देर थी ( बइ पावरफुल तो है ) सृष्टी रच दी … गोल गोल गेंद से ग्रह कोई इसके चक्कर काट रया कोए उसके अर जिसके सारे चक्कर काटरे वो बी चक्कर काट रया बेरा ना किसके …

इतना कन्फ्यूजन पर ना कोई लड़ाई ना झगड़ा ना दंगा ना फसाद ना ऐक्सिडैंट … मतलब मजेदार तो था पर कोए थ्रिल ना था … फेर बोरिंग सा माहौल हो ग्या थोड़े दन पाच्छै ( उसका एक दन बी करोड़ों साल का होए करै )

फेर उसनैं एक गेंद ( ग्रह ) चुनी उसपै पेड़ पौधे , जीव जंतू से बणा दिए … फेर कुछ दन जी सा लाग ग्या … पर मजे आली बात ना थी …

फेर उसनै बनाया इंसान …

अर उसके बाद आज तंई ढंग तै वा खुद बी ना सो पाया … जो उसनैं मान्नैं वा चौबिसों घंटे उसतै मांगे …
अर जो ना मानते वो … उसतै चैलेंज करदे रवैं … अक तूं है तो या करकै दिखा वा करकै दिखा …
अर जो बीच आले हैं … वे उसका नाम ले कै सारी दुनियां मैं नफरत फैलावें … देश , धर्म , रंग , नस्ल के नाम पै अर उसके बनाए इंसान तै उसी का नाम ले कै बेकूफ बणारे हैं अपणे सुख की खात्तर …
भाई मान जाओ … दुखी हो लिया वो ईब थारे लच्छना तै … रात बतावै था मेरे तै न्यू कवै था यार ईब तो या खेल खत्म करणा पड़ैगा घणा बेकार हो लिया ..

छोरी :- कित है तु??
छोरा:-हस्पताल मेँ हूँ एक कार आला टक्कर मारग्या !
छोरी :- अच्छा छुट्टी कद मिलैगी??
छोरा:- दो दिन पाच्छे !
छोरी :- ठीक है ! दो दिन बाद छुट्टी मिलतै ए मेरा रिचार्ज करवा दिए !
नहीँ तो दोबारा हस्पताल म्हे पहुँचा दयूँगी ..!!
छोरा:- 😳😳😳😳 दो दिन पाछे के ईब ही ले

एक नशेड़ी नशे मैं औल फौल बकै था … एक जैंटलमैन सा पैहलवान उसतै आकै बोल्या :- रै तूं घरां जाकै चुप चाल्ला सोजा .. नातै ऐसा रैप्टा मारुंगा गाल का दर्द ना उटै तेरे पै …
नशेड़ी बोल्या … ओ पिलवान जी तूं जाकै सोजा … जे मारे तै मेरे दर्द होंदा तो मैं उस्से दन सुधर जांदा जब मेरे बाब्बू नै मैं नशे मैं देखकै पैहली बार छेतया था …

रस्ते कांट्यां भरे हों तो बाब्बु भाई यार दोस्त कोए साथ ना देता …
.
.
.
.
ऐसे मोके पै अपणी चप्पल ए काम आवै …
हर बार इमोसनल होणा जरुरी है के

ल्यो भाई भजन सुण ल्यो आज।
राम राम तडके आली।

बीयर पीवैँ गरमिया म्ह
यार मेरे उल्लू के पट्ठे
पूरी पेटी ठा ल्यावैँ
100 100रपिये कर कैँ कट्ठे..
पीयाँ पाच्छै भुँडे बोलैँ
शर्म तार कैँ धर दे सैँ
फोन मिला कैढब्बण धोरै
LOUDSPEAKER On कर दे सैँ
बात करा दे बात करा दे
इसे बात प रोला हो ज्या
बोतल फोङैँ दही खँढादेँ
नया पजामा धोला हो ज्या
कितै कूण म्ह प्याज पङे
और कितै कूण म्ह दाल सै
DAILY रात नै कह कै सोवैँ
भाई आज पाच्छै टाल सै”

एक दिन पड़ोस का हरयाणवी छोरा आ के बोल्या-
” रे चाचा, अपनी इस्त्री देदे… ”
चाचा ने अपनी जनानी की ओर इसारा करया और बोला- ” ले जा, वा बैठी.. ”
छोरा चुप चाप देखन लाग्या…
बोला- ” चाचा यो नहीं, कपडे वाली..”
चाचा बोल्या- ” भले मानस, यो तन्ने बगेर कपड़े दिखे है के ??? ”
छोरा गुस्से में चीखा- ” रा चाचा
बावला ना बन, करंट वाली इस्त्री..”
चाचा- ” बावले, हाथ ते लगा के देख…जे ना मारे करंट, फेर कहिये…”

काल रात एक टूट्या तारा देख कै … दोनों हाथ की आंगली क्रास करकै मन्नै दिल तै विश मांगी …
मेरी बी एक गर्लफ्रैंड बणजा …
.
.
.
.
तारा उल्टा जाकै जुड़ ग्या … अपुन का लकइच नंइ है भिड़ू गर्ल फ्रैंड वाला बोले तो

पुराने माणसां की बात ए नयारी सै …
म्हारे दादा का गोड्डा उतर ग्या … गाम आले डाक्टर धोरै लेगे … घणी हाण जोर लाकै बोल्या ::- भाई अपणे दादा तै बांध कै टांड पै चढ़ाकै रख द्यो या गोड्डा कोनि चढ़े करदा … 😏😏😏😏
गाड्डी मैं गेरकै शहर के हाड्डजोड़ पैलवान के आगै जाकै धर दिआ दादा … वा बी आधा घंटा घुल कै बोल्या ::- यार थम मेरे पै झौट्टा छत्त पै चढ़वा ल्यो या गोड्डा चढ़ाना मेरे बस की ना सै … 😬😬
फेर किसी नै एक हकीम का पता दिया … उसके आगै दादा टेक दिया … हकीम साब नै कोई पाइया तेल गोड्डे पै गेर दिया होगा …
गोड्डा सारा तेल पी ग्या … बेरा ना कद का जंग खा रया था …
हकीम साब छौ मैं आ ग्या … अक ऐसी तैसी करा ग्या गोड्डा मेरे तेल के पीसे द्यो …
डेड़़ सौ रपइए हकीम तै देकै दादा घर लिआए … घरां आकै दादा नै अपणे आप टांग तै दो झटके दिए …
अर ईब कुददा फिरै है … म्हारा दादा जिंदाबाद …

रिक्शावाले की लड़की नैं आईएएस करके किया पिता का नाम रोशन …

रिक्शावाले का लड़का हुआ नासा के लिए सिलैक्ट …

रिक्शावाले के दोनों बच्चे आई पी ऐस अधिकारी बनें … किया राज्य का नाम रोशन …

ये सब खबर फेसबुक पै देख कै मैं बाब्बु तै बोल्या :- के धरया पापा इस पुलिस की नौकरी मैं रिक्शा चलाले नैं …

भाई भित्तरले स्टोररूम मैं मूंद राख्या मैं … मेरी टोटल बॉडी मसाज करके … अर सुण ल्यो रैय जिसका बाब्बु पुलिस मैं है वो अपने बाब्बु स्यामी या सलाह कदे मत ले कै जइओ … उसनैं न्यु बेरा होए करै अक क्युकर बक्कल तारे करैं … 😢😬😭😭

हां बाकी भाई ट्राई करकै देख ल्यो … जे थारा बाब्बु मान ग्या तो जिंदगी सैट हो जागी …

हाय हाय रे मजबूरी …
या जाड्डा अर या दूरी ,
मन्नै कसम आज या खाई …

मेरा ब्याह जब तक ना हो जाता …
मैं ओढूंगा दो रजाई …

थम के सोच्चो थे अक मैं अपणा स्मयंवर रचण आला हूं तड़की … छोरेयां का ना होता याaaaर 😏😏

पर भाई क्लेश आला काम हो ग्या … कसम तो खा बैठया रै पतंदर गरमियां मैं के करैगा …

जज: तू तीसरी बार अदालत आया है, तने शर्म कोनी आती?
आदमी: तू तो रोज़ आवे है, तने तो डूब के मर जाना चाहिए ।