काल रात एक टूट्या तारा देख कै … दोनों हाथ की आंगली क्रास करकै मन्नै दिल तै विश मांगी …
मेरी बी एक गर्लफ्रैंड बणजा …
.
.
.
.
तारा उल्टा जाकै जुड़ ग्या … अपुन का लकइच नंइ है भिड़ू गर्ल फ्रैंड वाला बोले तो

एक महिला पंजाबी मे बोलते हुऐ एक हरियाणवी की किराना दुकान पर चाय पत्ती खरीदने गई .
महिला – लिपटण दी चाह है?
हरियाणवी दुकानदार – मन्ने तो ना है….तन्ने है तो लिपट जा .
😂😂😂

ताऊ दारू पीकै आवै था आगे तै कुत्ता पड़ ग्या …
ताऊ नैं सैड़ देणी अपणा पजामा पाड़ दिया
मखा ताऊ या के करी
बोल्या उसनै बी तो पाड़नाए था

एक बरात किराए पै लिए हवाई जाहज मैं मुम्बई जा थी …

एलियनस नै वा जाहज हाईजैक करकै प्लूटो ग्रह पै रख दिया …

जंहा जाड्डे का राज … माइनस साढे चार सौ डिगरी पै राज कर रया … कोए जीव तो के घास बी ना उगण दे था अगला …

औढ़े जहाज तै उतर कै स्लिवलैस सूट पैहरी छोरियां रुक्के देण लाग्गी … कम ऑन गर्लस लैटस डांस .. पर या डी जे कित सै …

जाड्डा बोरिया बिस्तर बांध कै राम जी धौरै चल्या गया बोल्या … प्रभू मेरा इस्तिफा स्वीकार करिए अब मेरे अंदर वो पहले जैसी बात नही रही …

राम जी बोल्ले … भाई तूं ड्युटी कर अपणी … ये छोरी हरियाणे की हैं इनका जाड्डा कुछ ना बिगाड़ सकता ये वरदान मेराए दिया होड़ सै

पांच दस साल की सजा तो सलमान क्यूकरे भुगत लेता कोए फरक ना पड़ता …

पर या दस हजार का जुर्माना … मजा आ गया …

बाप की जमीन बेच यां किडनी … बेट्टा ये तो भरने पडैंगे … और मार हिरण वा बी काला

मैं अपणे छोरे तै बोल्या … देख ब्रो मैं रुढ़ीवादी बाब्बू ना हूं … मैं अर तूं फ्रैंड हैं आज तै तूं मेरी गैल्यां खुल कै बात कर सकै है बडी …

आग्गे तै बोल्या … या ब्रो आई थिंक सो … बट देअर इज सम प्रोब्लम भाई … अपणी आईटम नै समझा ले … कदिए छेत गेरै मन्नै … आई डोंट लाइक दिस हुंह …

कूण मैं बैठया रो रया है इब झकोई … मेरे अंदर का बाब्बू जाग ग्या अर उसनै मेरी इजाजत लिए बिना थप्पड़ा दिया मेरा फ्रैंड … 😏😏😏

अरै कुत्ते तेरी मां है मेरी आइटम …

खीर बणाण का एक नया तरिका …
एक ताजा खीरा ल्यो अर एक चक्कू ले कै उसकी पाछली आ की मात्रा खुरच द्यो …

No need to say thanks … करके देखिए अच्छा लगेगा

पति बैडरूम मैं बैठ्या था लुगाई झाड़ू मारण आगी बोल्ली थोड़ा सरकिओ …
पति ड्राईंग रूम मैं आकै बैठ ग्या झाड़ू लेकै वंहा बी पोंहचगी … थोड़ा सरकिओ …
पति आंगण मैं चल्या गया … थोड़ी हाण पाच्छै औढ़ै बी … थोड़ा सरकिओ …
पति घर तै बाहर लिक्ड़ ग्या , पांच घंटे बाद लुगाई तै फोन आया … मैं चंडिगढ़ सत्तरां सैक्टर बस अड्डे पै हूं और सरकूं के

छोटी बहन बड्डी तै :- या छोरी हर जन्म मैं एक इ पति क्यों मांगै सैं … 😩
बड्डी :- ए बेब्बे हर जन्म नंवे गधे नै ट्रेनिंग कौण दे … 😗

( छोरियां तो इस पोस्ट नै पढ़ कै खुसी के मारे गिद्दा लावणी भरत नाट्यम सब किमै नाच लेंगी …

क्या आप जानते हैं … ?
चाय शराब से ज्यादा खतरनाक है … 🤔

मैं इबी दारू पीकै घर आया तब मेरी घराली चाय पीवै थी … मैं तो चुपचाप शांत खड़या हूं … उसनै रुक्के देदे कै पूरा घर सिर पै ठा राखया है …

चाय के नशे मैं … हंजी …

आजकल के बालक पेपरां मैं नंबर कम आए पाच्छै घर छौड़ कै भाज ज्यां हैं …

अरै बालको या के बुजदिलां आली हरकत करो हो …

अरै मूरखो म्हारे टैम मैं तो नंबर म्हारे कम आया करते अर स्कूल छौड़ कै मास्टर जी भाज जा था … अक ईब समाज मैं के मुंह दिखाउंगा …

अर म्हारा आठवीं आला मास्टर तो म्हारे रिजल्ट आए पाच्छै पकड़या गया था …

आत्महत्या का परयास करदा

बाब्बू :- ओ कुत्ते …
बेट्टा :- हां बाब्बू …

मां :- थम दोनूं लिक्ड़ो इस घर तै बाहर गली मैं भौंको जाकै … 😬😬

What a गजब की family .

जै कोय होक्का भर कै नु कह सै नै अक,
.
ले प्रधान..होक्का पी
तो राम की सूं कती ,
राष्ट्रपति आली फिलींग आण लाग ज्या
सैं भीतर त।

भगतो आज का ज्ञान … भुगतो ..
छोरियां की आधी जवानी ऐक्चुअली , लिटरली , सिरियसली करते लिकड़ जाहै
.
.
.
अर छोरेयां की मेरली , तेरली करते .