एक भाई एक तीस मंजिल बिल्डिंग की छत पै बैठ्या था …
जब्बे किसे नै आकै उसतै रुक्का दिया … औ परकासे तेरी बहू तेरे पड़ोसी राजबीर गैल्यां भाजगी …
दिल टूट ग्या माणस का अर घणी बेज्जती बी फील कर ग्या … बस दुख मैं उपर तै छाल मारदी ,
पच्चिसवीं मंजिल धौरै उसके ध्यान आई … अक मेरे पड़ोस मैं तो कोए राजबीर ना रैहता …
बीसवीं मंजिल पै दिमाग मैं आया अक रै मेरा तो ब्याह ए ना हो रया …
दसवीं मंजिल तक याद आया … ओ तेरी बेब्बे कै मेरा नाम तो सरेंदर है … या परकासा कौण है … ???
हट मेरे यार … तो मिसटर सरेंदर आपका समय समाप्त होता है … अब

एक होए करैं बेसुरे सिंगर …
एक होए करैं बेहुदे सिंगर …
फेर आवैं वे बेवड़े सिंगर जो रात साड्डे यारां बजे इमोशनल हो कै बची खुची गर्ल फ्रैंड तै फोन पै नशे मैं गल्त सल्त गाणा सुणा कै बचे खुचे रिलेशन का बी ब्रेकअप कर कै बैठ जां हैं … ओ रै लक फोर्टी एट कुड़ी दा … भाई रै एटी सेवन वेट कुड़ी दा … हट जा ताऊ पाच्छे नै मेरी डार्लिंग नाचैगी …

एक लड़की क पेट म दर्द होग्या अर वा डाक्टर धौरै गई…
डाक्टर :- रात नै के खाया था?
छौरी :- रात को मैंने हैमबर्गर, फ्राइड राईस, कार्न पिज्जा, चिल्ली पनीर और थोड़ी चिल्ड कोक ली थी।
डाक्टर :- फेसबुक कोन्या यो, साच्ची बता के खाया था?
छौरी :- जी, बथुऐ का रायता

ऐसी की तैसी किसी गब्बर टब्बर की … 😈😈

आलम पूरे मुहल्ले में ये है हमारी दहशत का …

हाथ में आइसक्रीम लिया हर बच्चा काँप उठता है हमें देखके …

अक ईब यो खोसैगा … 😢

न्यू कवैं मां बाप की इज्जत करो … औरतां की इज्जत करो … बढे बुड्ढयां की इज्जत करो … छोरियां की इज्जत करो …

अरै सबकी इज्जत करो तो … वा के कए करैं सुसरी बेज्जती किसकी करैं , हमनै तो रोटी बी ना बढिया लागती जब तक दन मैं दो चार की नासां मैं तै धुम्मा ना लिकाड़ दैं उनकी बेज्जती करकै …

यार हरीयाणवी सां हम …

एक हल है या किसे नै ना कही अक छोट्टेयां की इज्जत करो … इब कल तै जड़ै बी कोई छोट्टा दिख्खै उसकी गुद्दी पै बेमतलब रैप्टा मार द्यो … 😂😂

मजाक था भाई आग्गै थारी मरजी .

जो हरियाणा रोडवैज म नी लटका,,,
.
.
उसनै घंटा नी बैरा रिस्क लैण का

भीरे की तूड़े आली बुग्गी पल्टगी … गुमसुम परेशान बुग्गी के चारो कान्नि चकरी काटै था …
जब्बे उसका डब्बी शामा बी मोटरसैकल पै शहर तै आवै था … बोल्या रै भीरे याके बणी …
भीरा बोल्या पूच्छै ना भाई … आज बाब्बू मारैगा …
बोल्या हट मेरे यार या तो होंदी जांदी रैं पल्टगी सुसरी पल्टगी बंदे ल्याकै सीधी करवा ल्यांगे … अर तुड़ा बी ढो द्यांगे टैंशन मतना करै …
भीरा बोल्या भाई कुच्छे करले बाब्बू तो मन्नै मारैगा …
बोल्या यार तूं तो घणा ए डर ग्या … लै शहर तै बोतल ल्याया था ढक्कण खोल कै मार दो घूंट मूं लाकै … सब ठीक हो जागा …
भीरा फेर … ना भाई बाब्बू मारैगा …
शामे नै हांगे तै उस्तै थोड़ी प्या दी ..
भीर उल्टे हाथ तै मूं साफ करदा बोल्या … भाई मानजा बाब्बू मारैगा …
शामा छौह मैं आ ग्या … हद ऐ यार चाल मैं बात करूं तेरे बाब्बू गैल्यां … है कित ताऊ …
भीरा पल्टी होड़ बुग्गी कन्नी देखकै बोल्या … तूड़े के निच्चै दब रया है …

हाए रै गरमी …

म्हारे झोट्टे नैं छोह मैं आकै लिया जोड़िया तोड़ ,
भाज्या बिदक कै गाली देंदा बड़ गया भित्तर जोहड़ ,

बड़ गया भित्तर जोहड़ , बोल्या बाहर नी आंदा ,
ना तूं कदे नहावै … अर ना मन्नैं नुहांदा …

ब्रेकिंग न्यूज ::- आज शहर में एक दिल दहला देने वाली हृदय विदारक घटना घटित हुई …

कुछ व्यापारी एक जाने माने होटल में एक दोस्त के जन्म दिन की पार्टी में पीते हुए नाच कूद रहे थे …

तभी कोई आसामाजिक शरारती तत्व जोर से चिल्लाया …. मितरोंooo

ये सुनते ही दो व्यापारियों के हाथ से शराब का गिलास छूट गया एक व्यापारी को हार्ट अटैक आते आते बचा … फिर सब व्यापारी मुह लटका के बैठ गए … 😏😏😏

बस रै मितरों मैए … अर जे आग्गै भाइयोरबैनोंooo बी बोल देंदा तो के बन्दा थारा

आज की नारी हर नारी पै भारी … 😂

सास्सू :- घणी चबड़ चबड़ मतना करै तेरी सुसराड़ है यो पीहर ना … 😏

बहू :- अर मांजी तूं तो इस घर के बरांडे मैं ई उगी थी ना … 😗

ईब बैठी है सास्सू मॉम गाल मैं मुड्डा गेर कै … आ लेण दे चुड़ेल मेरे बेट्टे नैं … ( आखरी हथियार )

पैसा ही सब कुछ नही होता …

ये एक ऐसा झूठ है जो पैसेवाले गरीब तै बेवकूफ बणान खात्तर अर गरीब अपणें बालकां तै तसल्ली देण खात्तर सदियों तै बोल्दे आरे हैं ..

स्कूल मै एक छोरी तै…

प्रोपोज करा था

वा बोली…शक्ल देखी है अपणी

आज उसके खसम की शक्ल

देखी…काळजे म़ै…

ठण्डक सी होगी

🤣🤣

दुकान पै गया था अंडे लेण मखा कितने का एक है …

बैल्या भाई सात का …

मखा यार स्यामी दकाण आला तो पाँच का दे है …

चारौं कान्नी देख कै खड़या होकै मेरे कान मैं बोल्या …
भाई उसकी मुर्गी का करैक्टर खराब है …

क्या आप जानते हैं …

चमगाद्दड़ ( सचमुच आली मेरी गर्लफ्रैंड ना 😂 ) लगभग अंधी होए करै … पर उड़दे होए उसका कदे ऐक्सिडैंट ना होंदा …

क्यों … ???