ਵੇਖੀ ਚੱਲ ਮਰਦਾਨਿਆ ਰੰਗ ਕਰਤਾਰ ਦੇ
ਉਹ ਆਪੇ ਮਰ ਜਾਦੇ ਜਿਹੜੇ ਦੂਜਿਆਂ ਨੂੰ ਮਾਰਦੇ

ਵਾਹਿਗੁਰੂ ਜੀ 🙏ਵਾਹਿਗੁਰੂ ਜੀ 🙏ਵਾਹਿਗੁਰੂ ਜੀ🙏 ਵਾਹਿਗੁਰੂ ਜੀ 🙏ਵਾਹਿਗੁਰੂ ਜੀ 🙏

ੴ ਸਤਿਨਾਮੁ ਕਰਤਾ ਪੁਰਖੁ
ਨਿਰਭਉ ਨਿਰਵੈਰ
ਅਕਾਲ ਮੂਰਤਿ ਅਜੂਨੀ ਸੈਭੰ
ਗੁਰ ਪ੍ਰਸਾਦਿ
॥ ਜਪੁ ॥
ਆਦਿ ਸਚੁ ਜੁਗਾਦਿ ਸਚੁ॥
ਹੈ ਭੀ ਸਚੁ ਨਾਨਕ ਹੋਸੀ ਭੀ ਸਚੁ॥੧॥

ਵਾਹਿਗੁਰੂ ਤੇਰਾ ਸ਼ੁਕਰ ਹੈ,
ਵਾਹਿਗੁਰੂ ਤੇਰੀ ਮਹਿਮਾ ਅਪਰੰਪਆਰ

ਵੈਸਾਖੀ ਦਾ ਦਿਨ ਜਿਉ ਜਿਉ ਨੇੜੇ ਆਉਦਾ ਏ ,
ਸਾਨੂੰ ਮਹਾਨ ਇਤਿਹਾਸ ਚੇਤੇ ਕਰਾਉਦਾ ਏ ।
ਸੰਗਤ ਵਿੱਚੋ ਗੁਰੂ ਜੀ ਸੀਸ ਲਈ ਬੁਲਾਇਆ ਸੀ ,
ਹੱਥ ਜੋੜ ਕੇ ਭਾਈ ਦਇਆ ਰਾਮ ਜੀ ਆਇਆ ਸੀ ।
ਵਾਰੀ ਵਾਰੀ ਪੰਜ ਸੀਸ ਗੁਰੂ ਦੀ ਭੇਟਾ ਆਏ ਸੀ ,
ਬਾਟੇ ਵਿੱਚੋ ਛਕਾਂ ਅੰਮ੍ਰਿਤ ਜਾਤਾ ਦੇ ਭੇਦ ਮਿਟਾਏ ਸੀ ।
ਨਾ ਉੱਚਾ ਨਾ ਨੀਵਾ ਕੋਈ ਐਸਾ ਧਰਮ ਚਲਾਇਆ ਸੀ ,
ਸਭੈ ਸਾਝੀਵਾਲ ਸਦਾਇਨਿ ਐਸਾ ਜਾਪ ਜਪਾਇਆ ਸੀ ।
ਗਿਦੜਾ ਤੋ ਸੇਰ ਬਣਾ ਕੇ ਸਿੰਘ ਦਾ ਖਿਤਾਬ ਦਵਾਇਆ ਸੀ ,
ਦੋ ਘੁਟ ਪੀ ਬਾਟੇ ਵਿੱਚੋ ਚਿੜੀਆਂ ਤੋ ਬਾਜ ਤੜਾਇਆ ਸੀ ।
ਪਰਿਵਾਰ ਵਾਰ ਕੇ ਗੁਰੂ ਜੀ ਖਾਲਸਾ ਪੁੱਤ ਬਣਾਇਆ ਸੀ ,
ਨਾ ਕੀਤਾ ਨਾ ਕਰ ਸਕੇ ਐਸਾ ਪਿਆਰ ਦਿਖਾਇਆ ਸੀ ।
ਮਾਤਾ ਸਾਹਿਬ ਕੌਰ ਗੁਰੂ ਜੀ ਅੱਗੇ ਸੀਸ ਨਿਵਾਇਆ ਸੀ ,
ਵਿੱਚ ਖੁਸ਼ੀ ਦੇ ਗੁਰੂ ਜੀ ਖਾਲਸਾ ਝੋਲੀ ਦੇ ਵਿੱਚ ਪਾਇਆ ਸੀ ।
ਮਾਂ ਪਿਉ ਤੋ ਲੈਕੇ ਖੁਸ਼ੀਆ ਖਾਲਸਾ ਜੰਗ ਵਿੱਚ ਜਦ ਆਇਆ ਸੀ ,
ਕੋਈ ਸਾਹਮਣੇ ਖਲੋ ਨਾ ਸਕਿਆ ਖੰਡਾ ਐਸਾ ਖੜਕਾਇਆ ਸੀ ।
ਧਰਮ ਦੀ ਖਾਤਰ ਸ਼ਹੀਦੀਆਂ ਪਾ ਗਏ ਬੰਦ ਬੰਦ ਕਟਵਾਇਆ ਸੀ ,
ਤੇਗਾ , ਦੇਗਾ , ਚਰਖੜੀਆ ਸਾਨੂੰ ਕਈ ਵਾਰ ਅਜਮਾਇਆ ਸੀ ।
ਭਾਈ ਤਾਰੂ ਸਿੰਘ ਵਰਗੇ ਸਿੰਘਾ ਆਪਣਾ ਖੋਪੜ ਲਹਾਇਆ ਸੀ ,
ਬਾਬਾ ਦੀਪ ਸਿੰਘ ਵਰਗੇ ਸਿੰਘਾਂ ਸੀਸ ਤਲੀ ਤੇ ਟਿਕਾਇਆ ਸੀ ।
ਸਾਹਮਣੇ ਦੁਸ਼ਮਣ ਨਾ ਆ ਸਕੇ ਡਰ ਐਸਾ ਹਰੀ ਸਿੰਘ ਪਾਇਆ ਸੀ ,
ਜਥੇਦਾਰੀ ਖਾਲਸੇ ਦੀ ਹੈ ਕਿਝ ਕਰਨੀ ਫੂਲਾ ਸਿੰਘ ਸਖਾਇਆ ਸੀ ।
ਕੋਈ ਚਲਾ ਨਾ ਸਕਿਆ ਰਣਜੀਤ ਸਿੰਘ ਰਾਜ ਐਸਾ ਚਲਾਇਆ ਸੀ ,
ਸਾਰੇ ਧਰਮਾ ਦਾ ਸਤਿਕਾਰ ਸੀ ਕੀਤਾ ਐਸਾ ਰਾਜਾ ਆਇਆ ਸੀ ।
ਇਕ ਵਾਰ ਆਈ ਵੈਸਾਖੀ ਜਿਸਨੇ ਦਿਲਾ ਤੇ ਜਖਮ ਲਗਾਇਆ ਸੀ ,
ਜਲਿਆ ਵਾਲੇ ਬਾਗ ਦੇ ਅੰਦਰ ਡਾਇਰ ਕਾਲ ਬਣ ਕੇ ਆਇਆ ਸੀ ।
ਹਜਾਰਾ ਮਾਰ ਬੇਦੋਸੇ ਉਸ ਨੇ ਸਬਰ ਸਿੰਘਾ ਦਾ ਅਜਮਾਇਆ ਸੀ ,
ਲੰਡਨ ਜਾ ਡਾਇਰ ਮਾਰਿਆ ਉਦਮ ਸਿੰਘ ਫਰਜ ਨਿਭਾਇਆ ਸੀ ।
ਜੋਰਾਵਰ ਸਿੰਘ ਸਿਰ ਝੁਕਦਾ ਜਿਨਾ ਕੌਮ ਲਈ ਜੀਵਨ ਲਾਇਆ ਸੀ ,
ਸੇਵਾ ਤੇ ਸਿਮਰਨ ਕਰਕੇ ਰਾਹ ਕੁਰਬਾਨੀ ਦਾ ਦਿਖਾਇਆ ਸੀ ।
ਜੋਰਾਵਰ ਸਿੰਘ ਤਰਸਿੱਕਾ ।

ਗੁਰੂ ਗੋਬਿੰਦ ਸਿੰਘ ਜੀ ਦੇ ਅੰਤਮ ਸਮੇ ਦੇ ਵਰਤਾਰੇ ,
ਜਦ ਸਿੰਘਾ ਨੂੰ ਦੇਣ ਲਗੇ ਗੁਰੂ ਜੀ ਦਰਸ਼ਨ ਦੀਦਾਰੇ ।
ਹੱਥ ਜੋੜ ਕੇ ਖੜ ਗਏ ਦਇਆ ਸਿੰਘ ਪਿਆਰੇ ,
ਗੁਰੂ ਜੀ ਸਿੰਘ ਛੱਡ ਕੇ ਚਲੇ ਜੇ ਕਿਸ ਦੇ ਸਹਾਰੇ।
ਗੁਰੂ ਜੀ ਤੁਸੀ ਹੋ ਸਾਨੂੰ ਜਾਨ ਤੋ ਵੱਧ ਪਿਆਰੇ ,
ਅਸੀ ਜਿਉਦੇ ਹਾ ਤੁਹਾਡੇ ਹਰ ਰੋਜ ਕਰ ਕੇ ਦੀਦਾਰੇ ।
ਗੁਰੂ ਜੀ ਬੋਲਦੇ ਸੁਣੋ ਦਇਆ ਸਿੰਘ ਜੀ ਪਿਆਰੇ ,
ਸਾਰੇ ਸਿੰਘ ਹਨ ਮੈਨੂੰ ਆਪਣੀ ਜਾਨ ਤੋ ਵੱਧ ਪਿਆਰੇ ,
ਇਹਨਾ ਸਿੰਘਾ ਉਤੋ ਵਾਰਤੇ ਪੁੱਤ ਮੈ ਆਪਣੇ ਚਾਰੇ ।
ਮੇਰੇ ਜਾਣ ਦੇ ਮਗਰੋ ਕਰਿਉ ਗੁਰੂ ਗ੍ਰੰਥ ਦੇ ਦੀਦਾਰੇ ,
ਉਹ ਹੋਣ ਗੇ ਗੁਰੂ ਜਗਤ ਦੇ ਸੱਭ ਨੂੰ ਤਾਰਨਹਾਰੇ ।
ਜੋ ਬਾਣੀ ਪੜਨਗੇ ਸਰਧਾ ਨਾਲ ਉਹ ਮੇਰੇ ਪੁੱਤ ਪਿਆਰੇ ,
ਗੁਰੂ ਗਰੰਥ ਸਾਹਿਬ ਵਿੱਚੋ ਹੋਣ ਗੇ ਸਾਡੇ ਦੀਦਾਰੇ ।
ਜੋ ਸਿੱਖ ਛੱਡ ਗੁਰੂ ਗ੍ਰੰਥ ਨੂੰ ਕਿਸੇ ਹੋਰ ਦੇ ਜਾਊ ਦਰਬਾਰੇ ,
ਵਿੱਚ ਨਰਕਾ ਦੇ ਸੜਨ ਗੇ ਉਹ ਪਾਪੀ ਹਤਿਆਰੇ ।
ਸਿੰਘ ਜੀ ਬਾਣੀ ਬਾਣਾ ਰੱਖਣਾ ਨਾਲ ਸ਼ਸਤਰ ਸਾਰੇ ,
ਖਾਲਸਾ ਰਹੂ ਚੜਦੀ ਕਲਾ ਵਿੱਚ ਭੋਗੂ ਰਾਜ ਦਰਬਾਰੇ ।
ਓਟ ਰਖਿਓ ਇਕ ਅਕਾਲ ਤੇ ਸਿੰਘ ਕਦੇ ਨਾ ਹਾਰੇ ,
ਇਕ ਦੂਜੇ ਨੂੰ ਮਿਲਿਉ ਲਾਅ ਕੇ ਜੈਕਾਰੇ ।
ਲੇਖਕ ਜੋਰਾਵਰ ਸਿੰਘ ਤਰਸਿੱਕਾ ।

ਮੇਰੇ ਬਾਲਾ ਪ੍ਰੀਤਮ ਪਿਆਰੇ ਜੀ , ਤੇਰੇ ਦਰਸ਼ਨਾਂ ਤੋ ਬਲਿਹਾਰੇ ਜੀ ।
ਤੁਸੀ ਦੁਖੀਆਂ ਦੇ ਦੁੱਖ ਕੱਟ ਦਿੱਤੇ , ਜਿਨਾ ਕੀਤੇ ਤੁਹਾਡੇ ਦੀਦਾਰੇ ਜੀ ।
ਰਾਣੀ ਮੈਣੀ ਦਾ ਭਰਮ ਕੱਢ ਦਿੱਤਾ , ਕੀਤੇ ਬੰਗਲੇ ਵਿੱਚ ਉਤਾਰੇ ਜੀ।
ਕੀਤੇ ਦਿੱਲੀ ਦੇ ਵਿੱਚ ਠੀਕ ਰੋਗੀ , ਜਿਨਾ ਦੇ ਨਾ ਕੋਈ ਸਹਾਰੇ ਜੀ ।
ਮੇਰੇ ਬਾਲਾ ਪ੍ਰੀਤਮ ਪਿਆਰੇ ਜੀ , ਤੇਰੇ ਦਰਸ਼ਨਾ ਤੋ ਬਲਿਹਾਰੇ ਜੀ।
ਤੇਰੇ ਦਰ ਤੇ ਪੰਡਤ ਹੰਕਾਰ ਕੀਤਾ , ਤੁਸਾ ਕੀਤੇ ਉਸ ਦੇ ਨਿਸਤਾਰੇ ਜੀ ।
ਜੋ ਗੂੰਗਾ ਛੰਜੂ ਨਾ ਬੋਲ ਸਕੇ , ਕਰਵਾਏ ਗੀਤਾ ਦੇ ਅਰਥ ਸਾਰੇ ਜੀ ।
ਔਰੰਗਾ ਤਹਾਨੂੰ ਮਿਲਣ ਆਇਆ , ਨਾ ਪਾਪੀ ਨੂੰ ਦਿੱਤੇ ਦੀਦਾਰੇ ਜੀ।
ਦੁੱਖੀ ਸੰਗਤਾ ਨੂੰ ਗਲ ਲਾਇਆ , ਤੁਸੀ ਹੋ ਰੱਬ ਦੇ ਰੂਪ ਨਿਆਰੇ ਜੀ ।
ਮੇਰੇ ਬਾਲਾ ਪ੍ਰੀਤਮ ਪਿਆਰੇ ਜੀ , ਤੇਰੇ ਦਰਸ਼ਨਾ ਤੋ ਬਲਿਹਾਰੇ ਜੀ ।
ਤੁਸੀ ਅੱਠਵੀਂ ਜੋਤ ਗੁਰੂ ਨਾਨਕ ਦੀ,ਗੁਰੂ ਹਰਿ ਰਾਇ ਦੇ ਦੁਲਾਰੇ ਜੀ ।
ਗੁਰੂ ਹਰਿਕ੍ਰਿਸ਼ਨ ਜੀ ਨਾਮ ਸੋਹਣਾ , ਮੈ ਰੂਪ ਤੋ ਜਾਵਾ ਬਲਿਹਾਰੇ ਜੀ ।
ਉਸ ਦੇ ਦੁਖ ਸਭ ਕੱਟ ਦਿੱਤੇ , ਜੋ ਆਇਆ ਤੁਹਾਡੇ ਦਰਬਾਰੇ ਜੀ ।
ਮਿਹਰ ਕਰੋ ਸੰਗਤ ਤੇ ਗੁਰੂ ਜੀ , ਨਾ ਆਉਣ ਦੁਖ ਕਦੇ ਦੁਬਾਰੇ ਜੀ ।
ਮੇਰੇ ਬਾਲਾ ਪ੍ਰੀਤਮ ਪਿਆਰੇ ਜੀ , ਤੇਰੇ ਦਰਸ਼ਨਾਂ ਤੋ ਬਲਿਹਾਰੇ ਜੀ ।
ਗੁਰੂ ਜੀ ਦੇ ਉਪਦੇਸ਼ ਗੁਰਬਾਣੀ ਦਾ , ਕੁਲ ਲੋਕ ਤੁਸਾ ਨੇ ਤਾਰੇ ਜੀ ।
ਹਰ ਸਿੱਖ ਸਰਧਾ ਨਾਲ ਭਰ ਜਾਂਦਾ , ਜਦ ਸੁਣਦਾ ਬੋਲ ਪਿਆਰੇ ਜੀ ।
ਉਹ ਧਰਤੀ ਪੂਜਣਯੋਗ ਹੋ ਗਈ , ਜਿਥੇ ਕੀਤੇ ਤੁਸਾ ਉਤਾਰੇ ਜੀ ।
ਜੋਰਾਵਰ ਵਰਗੇ ਵੀ ਤਾਰ ਦਿਉ , ਕਰਾ ਅਰਦਾਸ ਤੇਰੇ ਦੁਵਾਰੇ ਜੀ ।
ਮੇਰੇ ਬਾਲਾ ਪ੍ਰੀਤਮ ਪਿਆਰੇ ਜੀ , ਤੇਰੇ ਦਰਸ਼ਨਾ ਤੋ ਬਲਿਹਾਰੇ ਜੀ ।
ਜੋਰਾਵਰ ਸਿੰਘ ਤਰਸਿੱਕਾ ।

ਖਾਲਸਾ
ਗੂੰਜਦੇ ਜੈ ਕਾਰੇ ਤੇ ਨਗਾਰੇ ਵਜਦੇ .
ਜੰਗ ਵਿਚ ਗੁਰੂ ਕੇ ਪਿਆਰੇ ਗਜਦੇ .
ਬੋਲੇ ਸੋ ਨਿਹਾਲ ਹੈ ਬੁਲਾਉਂਦਾ ਖਾਲਸਾ .
ਗੁਰੂ ਮੂਹਰੇ ਸੀਸ ਹੈ ਨਿਵਾਉਂਦਾ ਖਾਲਸਾ .
ਵਧਿਆ ਜ਼ੁਲਮ ਮਚੀ ਹਾਹਾਕਾਰ ਸੀ .
ਕਹਿਰ ਕਮਾਉਂਦੀ ਓਦੋਂ ਸਰਕਾਰ ਸੀ .
ਦਸਮ ਪਿਤਾ ਦਾ ਲੋਕੋ ਖੂਨ ਖੌਲਿਆ .
ਖਾਲਸਾ ਸਜਾਉਣਾ ਗੁਰੂ ਮੁੱਖੋਂ ਬੋਲਿਆ .
ਜ਼ੁਲਮ ਖਿਲਾਫ ਆਵਾਜ਼ ਉਠਾਉਂਦਾ ਖਾਲਸਾ .
ਗੁਰੂ ਮੂਹਰੇ ਸੀਸ ਹੈ ਨਿਵਾਉਂਦਾ ਖਾਲਸਾ .
ਵੈਸਾਖੀ ਵਾਲੇ ਦਿਨ ਪੂਰਾ ਕੱਠ ਕਰਿਆ .
ਸੰਗਤਾਂ ਦੇ ਸਾਹਮਣੇ ਸੀ ਮਤਾ ਧਰਿਆ .
ਬਾਟੇ ਵਿਚ ਅੰਮ੍ਰਿਤ ਪਾਇਆ
ਗੁਰਾਂ ਨੇ .
ਆਪਣੇ ਹੀ ਹੱਥੀਂ ਸੀ ਛਕਾਇਆ
ਗੁਰਾਂ ਨੇ .
ਨਵੀਂ ਫੌਜ ਗੁਰੂ ਹੈ , ਸਜਾਉਂਦਾ ਖਾਲਸਾ .
ਗੁਰੂ ਮੂਹਰੇ ਸੀਸ ਹੈ ਨਿਵਾਉਂਦਾ
ਖਾਲਸਾ .
ਭੀੜ ਪਵੇ ਚੀਮਾਂ ਸਦਾ ਮੂਹਰੇ ਖੜਦਾ .
ਸੀਸ ਬਿਨਾਂ ਸੂਰਮਾ ਹੈ ਦੇਖੋ ਲੜਦਾ .
ਜਾਤ ਪਾਤ ਭੁੱਲ ਲਾਉਂਦਾ ਗਲੇ ਸਭ ਨੂੰ .
ਆਪਣਾ ਹੀ ਜਾਣਦਾ ਇਹ ਸਾਰੇ ਜੱਗ ਨੂੰ .
ਦੁਨੀਆਂ ਚ ਲੰਗਰ ਹੈ ਲਾਉਂਦਾ ਖਾਲਸਾ .
ਗੁਰੂ ਮੂਹਰੇ ਸੀਸ ਹੈ ਨਿਵਾਉਂਦਾ ਖਾਲਸਾ .
ਅਮਰਜੀਤ ਚੀਮਾਂ