पत्नी :- मैं तो मेरे भाई के बहरे पण नैं डोब दी ना तूं मेरे पल्ले ना पड़दा … 😗
पति ( मजे लेंदा होया ) :- उसी मेरे साले नैं तो म्हारा रिस्ता कराया था … अर तूं तो कह्या करै अक वा तन्नैं घणा प्यार करै था तेरी सारी फरमैश पूरी करया करदा … 😎
पत्नी :- हां ठीक कहूं थी … पर एकबै मैं गाणा गांऊ थी …
भइया मेरे राखी के बंधन को निभाना
अर उस बहरे नैं सुण लिआ …
भइया मेरे राखी पे बंदर को ले आणा …
फेर वा तन्नैं पसंद कर ल्याया मेरी खात्तर ..
एक बार के होया के बुआ और
भतीजी एक गाम मैं
ब्याह दी…..
ओड़े उनके नेग बदलगे…..
भतीजी का घरआला बुआ के
घरआले का काका लागै था!!
एक दिन बुआ का घरआला उस
भतीजी के घर नै गया…….
उसने कुवाड़ खुडकाए!
भीतर तै वा भतीजी बोली कुण सा सै रै!!
तो वो बोल्या: काकी मैं सूँ
तेरा फूफा…!!
😂😂😂😂
.
.
राम राम तडके आळी
🙏😂😂😂😂🙏
टीचर :- अपनी माँ की तारीफ मैं एक ऐस्से लिखो ,
छात्र :- सर दुनिया मैं वा स्याई ना बणी जो मेरी माँ के गुण लिख सकै …
टीचर :- ओह … तो बेट्टा बाब्बू के बारे मैं लिख दे कुछ ,
छात्र :- सर जी वा कागज इ ना है सृष्टी मैं जिसपै मेरे बाब्बू की महानता लिखी जा सकै …
मास्टर जी की आंख्यां मैं पाणी आ गया छोरे तै गले लाकै बोल्या :- वाह रै महान आत्मा मनैं गर्व है तेरे पै … बड़ा हो कै के बणैंगा …
महान आत्मा बोल्या :- जी मास्टर जी बड़ा होकै नेता बणूंगा अर बिना कुछ करे धरे न्युए बड़ी बड़ी बात करकै लोगां का फद्दू बणाउंगा अर ऐश करुंगा ..
एक हरियाणवी 5 स्टार होटल में जाके वेटर से बोला, “चाय 🍵 लाओ..”
थोड़ी देर बाद वेटर ट्रे के साथ आया जिसमें गरम पानी, टी बैग, शुगर क्यूब और मिल्क पाउडर का पाउच था। ट्रे रख वो चला गया.!!
हरियाणवी ने जैसे-तैसे चाय बनाई और पी..!! 😒
कुछ देर बाद वेटर उसके पास आया और कहा, “और क्या लोगे साब..?”
हरियाणवी : वैसे तो पकोड़े खाने का जी करे था भाई, पर डर 😱 यूं लागे कि उसे तु मेरे सामने….
तेल, बेसन, नून मिर्च और कढ़ाई लाके न धर दे..!!
दुकान पै गया था अंडे लेण मखा कितने का एक है …
बैल्या भाई सात का …
मखा यार स्यामी दकाण आला तो पाँच का दे है …
चारौं कान्नी देख कै खड़या होकै मेरे कान मैं बोल्या …
भाई उसकी मुर्गी का करैक्टर खराब है …
ओ हवनकुंड, भक्तों का झुंड
सुनसान रात, सब साथ-साथ
सुन मन की बात, रख दिल पे हाथ
बोलो त्या थिलेदाआआआ …
तमल थिलेदा… तमल थिलेदा…तमल थिलेदा… 😎😎
जोकिंग अवेएएए ..
भाई तीन तलाक पै तीन साल की कैद …
घणी बढ़िया बात सै …
पर जो बिना तलाक दिए छोड़ ज्यां हैं
किसी बहाने तै उनका के …
देस की कई बहन बेटीयां गैल्यां बणरी है …।।।
मेरी फेसबुक आली फोटू पै आज एक छोरी का कमैंट आया …
Nice pic , looking sooo handsome 😘
मैं भाज कै गया अर सिस्से मैं अपणा मुंह देख्या …
फेर मुंह धो कै मुंह देख्या …
फेर साबण गैल्यां मुंह धो कै मुंह देख्या …
फेर सिस्सा धो कै मुंह देख्या …
फेर जाकै जकीन आया अक या कमैंट आला यां तो पापा की परी है यां फेक आई डी आला कोए कंजर दोस्त …
म्हारे ताऊ ना देखदे वकत बी मन की आई जब्बे कह दे हैं …
एक ताई मरगी उस्तै शमशान लेजण खात्तर ठाण लाग्गे तो उसकी तीन बहू उस्तै लिपट कै रोरो कै फंड करण लाग्गी … ए मां हमनै बी ले जा तेरी गैल्यां हम बी चालांगी ,
ताऊ पै ना डट्या गया बोल्या :- गैल्यां ले जण नै के उसनै टाटा सूमो कर राक्खी जो थम्नै बी बिठा ले जागी … थम ठाओ रै फेर मन्नै आकै धार बी काडणी है ,
Be practical like ताऊ
समझ ना आई …
आज एक आदमी पब्लिक टॉयलेट मैं तै बाहर लिकड़या
अर दांता मैं तिल्ली मार रया था …
हद ऐ यार …
हाए रै गरमी …
म्हारे झोट्टे नैं छोह मैं आकै लिया जोड़िया तोड़ ,
भाज्या बिदक कै गाली देंदा बड़ गया भित्तर जोहड़ ,
बड़ गया भित्तर जोहड़ , बोल्या बाहर नी आंदा ,
ना तूं कदे नहावै … अर ना मन्नैं नुहांदा …
एक बुढे कै चार-पाँच छोरे,
बुढा मरणासन हो रया, आर वे पाँचु मेरे बटे
सकिम भिडाण लाग रे,
एक बोल्या ‘ रै बाबु मरेगा’
दुसरा बोल्या ‘हाँ भाई मरणन तै होए
रहया स’
तीसरा बोल्या ‘भाई गाँम कि च्याणी त
दुर पडेँगी इतणी दुर नही चालेगा, न्यु
कर ल्यागे ट्रेक्टर म ले चालागे।’
पहलडा बोल्या ‘आछ्या 100 रपये
लेगा ट्रेकटर आला’
दुसरा बोल्या ‘रे बुगी म ले चालागे’
एक बोल्या ‘तेरा झकोई 70
लेगा बुगी आला भी’
चौथा बोल्या ‘रे न्यु कर लियो साईकल क
गेल न सिढी बांध क उसप लुटा लियो’
इब बुढा खाट म पडया पडया सुणन
लाग रया था, उसन देख लिया तेरी खराब
माटी करैगे, कोए कोए साँस आवै था, उसने
जोड के साँस आर मार कै हँगा, होकै
बैठया बोल्या ‘रे मैरी जुती दे दयो, मैँ पैदल
ए डिगर ज्यांगा’
Me : भाई , प्यार हो गया मन्नै
:
Dost : भाई तू एड्रेस बोल ।
हम छोरी की जिंदगी बर्बाद नही होण दयांगे
आज का बैस्ट फ्रैंड …
वा सिगरट का पहला कश लगवावैगा … अर फेर आदत होए पाच्छै बीड़ी के फायदे बतावैगा …
वा बीयर शराब ना होती बोल कै थारे होठां कै लावैगा … अर फेर कच्ची दारू की एक हजार खूबियां गिणवावैगा …
वा पहले अपणे ताऊ की गल्तियां बतावैगा … फेर थारे बाब्बू नैं थारा सबतै बड़ा दुश्मन सिद्ध करकै दिखावैगा …
या उम्र ऐसिए हो सै , इन बातां मैं थारा वर्तमान तो विश्वाश कर लेगा … पर बालको भविष्य बिगड़ जावैगा …
तो भाई थम आज की पीढ़ी हो कौशिश करो अपने चाचा ताऊ बाब्बू तै अपणा बैस्ट फ्रैंड बणाओ … उनकी बात मानों अर अपने फ्रैंड को बैस्ट तब बणाओ जब वो उन जैसी सलाह दे अर बात करै … 👍👍👍
और अगर या पोस्ट पढ़ कै तन्नैं बुरा लाग्या तो तूं बी बैस्ट फ्रैंड के जाल मैं फंस रया है माई फ्रैंड …
एक सात साल का छोरा अपणी माँ तै बुज्झण लाग्या … एरी माँ तूँ मन्नैं कित तै ल्याई थी ,
माँ बोली बेट्टा मन्नैं एक गत्ते के डब्बे मैं थोड़ा गुड़ अर पाणी गेर कै रख दिया … चार दिन बाद मन्नैं डब्बे मैं तूं पाया अर तूं मेरी औलाद बण ग्या ,
छोरे नै बी न्युए करी फेर चार दन बाद डब्बा खोल कै देख्या भित्तर एक कॉकरोच हांडै था … छोरा छौ मैं आकै बोल्या … साले जी तो करै तन्नैं ईबी चप्पल मार कै मार द्यूं , पर के करूं औलाद है तूं मेरी …
आज पेपर था ग्रामीण बैंक का, बाहर चैकिंग करण आळा नै भीतर ना बड़ण दिया, मराबटा न्यूं बोल्या तेरी आधार कार्ड की फ़ोटो ना मिलती, भूंडी फ़ोटो है……. मखा आधार कार्ड में कोए भी टॉम क्रूज ना लाग्या करता…. ना मान्या मेरा सुसरा…. मखा जाऊं सूँ, याद राखिए भूखा मैं भी नहीं मरूं, हिसार के जाट कॉलेज आगै गोल गप्प्यां की रेहड़ी लाऊंगा अर तेरी छोरी मेरे ए धोरै आया करैगी पाणी के पतासे खाण 😜
.
खैर… घरां आया अर आकै अलमारी खोली जिसमें मेरे आज तक के भरे होड़ सारे फॉर्म थे..IIT तै लेकै MTS तक, कैलकुलेटर लेकै हिसाब लगाया तो बेरा पाट्या इन फार्मां कै पाछै घणे रपिये फूक दिए, इतणे में एक Bullet आ जाती अर विडम्बना देखो…. ईब साली नौकरी की उम्र भी जा ली 😂😂
