ਹੱਕਾਂ ਨੂੰ ਮੰਗਣ ਵਾਲਾ
ਸੜਕਾਂ ਤੇ ਰੁਲੀ ਜਾਂਦਾ ਏ
ਖੇਤਾਂ ਦਾ ਰਾਜਾ ਜਿਹੜਾ
ਅੱਜ ਕੱਖਾਂ ਦੇ ਭਾਅ ਤੁਲੀ ਜਾਂਦਾ ਏ

ਅਜੀਬ ਗੱਲ ਹੈ ਕਿ ਦੂਜਿਆਂ ਦੀ ਮੱਦਦ ਕਰਨ ਦਾ ਸਮਾਂ ਕਿਸੇ ਕੋਲ ਨਹੀਂ ਹੈ,
ਪਰ ਦੂਜਿਆਂ ਦੇ ਕੰਮ ਚ ਟੰਗ ਅੜਾਉਣ ਦਾ ਸਮਾਂ ਸਭ ਕੋਲ ਹੈ ।

ਸਾਰੇ ਮਹਿਕਮੇ ਕਿਉਂ ਕਰਤੇ ਪ੍ਰਾਈਵੇਟ ਨੇ,
ਰੇਤੇ ਬੱਜਰੀ ਦੇ ਰੱਖੇ ਮਾਫੀਆ ਨੇ ਰੇਟ ਨੇ,

ਪੱਗ ਸਾਡੀ ਢਾਹੁਣ ਵਾਲੇ ਫੜੇ ਕਿਉਂ ਨਹੀਂ ਗਏ,
ਬੇਅਦਬੀਆ ਹੋਣ ਬੇਹਿਸਾਬ ਨੇਤਾ ਜੀ,

ਬੜਾ ਤੁਸੀਂ ਖਾ ਲਿਆ ਪੰਜਾਬ ਨੇਤਾ ਜੀ,
ਹੁਣ ਇਕ ਦੋ ਤਾਂ ਦੇ ਦਿਓ ਜਵਾਬ ਨੇਤਾ ਜੀ।

#FarmersProtest

ਕਿਸਾਨਾਂ ਤੋਂ ਕੁਝ ਸਿੱਖ ਦਿੱਲੀਏ
ਪੂਰਾ ਦੇਸ਼ ਹੋਇਆਂ ਇਕ ਮਿਕ ਦਿੱਲੀਏ
MSP ਤਾਂ ਲੈ ਕੇ ਰਹਾਂਗੇ
ਤੂੰ ਅਪਣੀ ਗੱਲ ਤੇ ਰਹੀ ਹੁਣ ਟਿਕ ਦਿੱਲੀਏ
ਆਮਦਨ ਨਾਲ਼ੋਂ ਵੱਧ ਖ਼ਰਚਾ
ਸਹੀ ਰੇਟ ਨਾਂ ਫਸਲ ਰਹੀ ਵਿਕ ਦਿੱਲੀਏ
MSP ਤਾਂ ਲੈ ਕੇ ਰਹਾਂਗੇ
ਤੂੰ ਅਪਣੀ ਗੱਲ ਤੇ ਰਹੀ ਹੁਣ ਟਿਕ ਦਿੱਲੀਏ

ਉੱਤਮ ਦਰਜੇ ਦਾ ਜੇ ਕੋਈ ” ਧਰਮ ” ਹੈ ਤਾਂ ਉਹ ਹੈ ,
” IELTS ”
ਸੱਤ ਬੈਂਡ ਤੋਂ ਬਾਅਦ ਜਾਤ ਪਾਤ ਖਤਮ

ਦੁਨੀਆ ਵਿੱਚ ਇਨਸਾਨ ਨੂੰ ਹਰੇਕ ਚੀਜ਼ ਲੱਭ ਜਾਂਦੀ ਹੈ
ਪਰ ਸਿਰਫ ਆਪਣੀ ਗ਼ਲਤੀ ਨਹੀਂ ਲੱਭਦੀ ।

ਚੇਤੇ ਰੱਖਿਓ ਨਹੀਂ ਮੁੱਕਿਆ…
ਨਹੀਂ ਮੁੱਕਿਆ ਘੋਲ ਕਿਸਾਨੀ ਦਾ 🌾🌾🌾
ਕਿਸਾਨ ਮਜ਼ਦੂਰ ਏਕਤਾ ਜਿੰਦਾਬਾਦ 🌾🌾

ਪੁੱਤਾਂ ਵਾਂਗ ਜਿਨਸ ਜੋ ਪਾਲਦੇ ਨੇ,
ਤਲੀਆਂ ਤੇ ਰੱਖ ਕੇ ਜਾਨਾਂ ਨੂੰ,
ਸੁਣ ਬੇਦਰਦੀ ਸਰਕਾਰੇ ਨੀ,
ਨਾ ਰੋਲ ਮੇਰੇ ਕਿਸਾਨਾਂ ਨੂੰ,
”
”
ਕਈ ਵਾਰੀ ਉਠ ਕੇ ਰਾਤਾਂ ਨੂੰ ਖੇਤਾਂ ਨੂੰ ਪਾਣੀ ਲਾਉਂਦੇ ਨੇ,
ਤੂੰ ਹਾਲ ਤਾਂ ਪੁੱਛ ਕੇ ਵੇਖ ਕਦੇ ਉਹ ਸੁੱਖ ਦੀ ਨੀਂਦ ਨਾ ਸੌਂਦੇ ਨੇ,
ਉਹਦੇ ਜ਼ਖ਼ਮਾਂ ਤੇ ਲੂਣ ਪਾਉਣ ਲਈ,
ਨਿੱਤ ਲੱਭਦੀ ਨਵਾਂ ਬਹਾਨਾਂ ਤੂੰ,
ਸੁਣ ਬੇਦਰਦੀ ਸਰਕਾਰੇ ਨੀ,
ਨਾ ਰੋਲ ਮੇਰੇ ਕਿਸਾਨਾਂ ਨੂੰ,
”
”
ਉਹ ਠਰਦੇ ਠੰਡੀਆਂ ਰਾਤਾਂ ਵਿੱਚ, ਪਿੰਡੇ ਤੇ ਹੰਢਾਉਂਦੇ ਧੁੱਪਾਂ ਨੂੰ,
ਬੇਮੌਸਮੀ ਬਾਰਸ਼ ਆਜਾਵੇ, ਪਾ ਜ਼ਾਂਦੀ ਪੱਲੇ ਦੁੱਖਾਂ ਨੂੰ,
ਲੱਕ ਕਿੰਨੀ ਵਾਰੀ ਤੋੜ ਗਏ, ਪੁਛ ਲੈ ਬੇਦਰਦ ਤੂਫਾਨਾਂ ਨੂੰ,
ਸੁਣ ਬੇਦਰਦੀ ਸਰਕਾਰੇ ਨੀ, ਨਾ ਰੋਲ ਮੇਰੇ ਕਿਸਾਨਾਂ ਨੂੰ,,
”
”
ਤੂੰ ਫ਼ਸਲਾਂ ਦਾ ਮੁੱਲ ਪਾਉਣਾ ਕੀ, ਤੂੰ ਤਾਂ ਮੂੰਹ ਚੋਂ ਰੋਟੀ ਖੋਹਣ ਲੱਗੀ।
ਅੱਜ ਖੋਹ ਕੇ ਹੱਕ ਕਿਸਾਨਾਂ ਦੇ, ਅਮੀਰਾਂ ਦੀ ਝੋਲੀ ਪਾਉਣ ਲੱਗੀ।
ਲੱਗੀ ਜਿਉਂਦੇ ਜਾਗਦੇ ਲੋਕਾਂ ਨੂੰ, ਸਿਵਿਆਂ ਨੂੰ ਕਰਨ ਰਵਾਨਾ ਤੂੰ।
ਸੁਣ ਬੇਦਰਦੀ ਸਰਕਾਰੇ ਨੀਂ, ਨਾ ਰੋਲ ਮੇਰੇ ਕਿਸਾਨਾਂ ਨੂੰ
,,,
“”
ਚੁੱਲ੍ਹੇ ਵਿਚ ਡਾਹ ਦੇ ਬਿੱਲਾਂ ਨੂੰ, ਨਾ ਗੱਡ ਛਾਤੀ ਵਿਚ ਕਿੱਲਾਂ ਨੂੰ,,
ਜੇ ਵਿਗੜ ਗਿਆ ਕਿਸਾਨ ਕਿਤੇ, ਤੇਰਾ ਮਾਸ ਖਵਾ ਦਊ ਇੱਲਾਂ ਨੂੰ,,
ਹੱਕ ਲੈਣ ਤੇ ਪਰਗਟ ਜੇ ਆ ਗਏ, ਕਰ ਦਿਆਂਗੇ ਚੂਰ ਚਟਾਨਾਂ ਨੂੰ,,
ਸੁਣ ਬੇਦਰਦੀ ਸਰਕਾਰੇ ਨੀ, ਨਾ ਰੋਲ ਮੇਰੇ ਕਿਸਾਨਾਂ ਨੂੰ,,

ਹਕੀਕਤ ਸੜਕਾਂ ‘ ਤੇ ਹੈ
ਸਲਾਹਾਂ ਬੰਗਲਿਆਂ ਚ
ਅਤੇ
ਝੂਠ ਟੀਵੀ ਤੇ,