ਜੇਹੜਾ ਮਨੁੱਖ ਗੁਰੂ ਦੇ ਬਚਨਾਂ ਉਤੇ ਤੁਰ ਕੇ ਪ੍ਰਭੂ ਦੇ ਚਰਨਾਂ ਵਿਚ ਨਿਵਾਸ ਹਾਸਲ ਕਰ ਲੈਂਦਾ ਹੈ,
ਉਸ ਮਨੁੱਖ ਦੇ ਆਤਮਕ ਬਲ ਜਿਤਨਾ ਹੋਰ ਕਿਸੇ ਦਾ ਬਲ ਨਹੀਂ ॥੧॥ ਰਹਾਉ॥

ਸ਼ਹੀਦੀ ਦਿਹਾੜੇ ਕੁਝ ਦਿਨਾਂ ਵਿਚ ਆ ਰਹੇ ਨੇ ਸਾਡੇ ਵਲੋਂ ਪੰਜਾਬ ਦੇ ਨੌਜਵਾਨਾਂ ਦੇ ਨਾਮ ਇੱਕ ਸੰਦੇਸ਼ ਹੋ ਸਕੇ ਤਾਂ ਅਮਲ ਜਰੂਰ ਕਰਿਓ :———
ਜਦੋ ਸਿਰ ਤੇ ਬੰਨ ਕੇ ਰੁਮਾਲ ਤੁਰੋਗੇ ,,,
ਦੱਸੋ ਕਿਹੜੇ ਮੂੰਹ ਦੇ ਨਾਲ ਤੁਰੋਗੇ ,,,
ਟੇਕ ਕੇ ਮੱਥਾ ਸਾਹਿਬਜ਼ਾਦਿਆਂ ਉੱਤੇ ਕੋਈ ਅਹਿਸਾਨ ਜਤਾਇਓ ਨਾ ,,,
ਜੇ ਜਾਣਾ ਤਾਂ ਸੱਚੇ ਦਿਲੋਂ ਜਾਇਓ ਸਰਹਿੰਦ ,ਫਤਹਿਗੜ ਸਾਹਿਬ ਨੂੰ ,,,
ਮੂੰਹ ਰੰਗਾਂ ਕੇ ਚੜ ਬੁਲਟਾਂ ਤੇ ਦਿਖਾਵੇ ਲਈ ਜਾਇਓ ਨਾ
ਕਲਗੀਆਂ ਵਾਲਾ ਬਾਪੂ ਤੁਹਾਡੇ ਵਿੱਚੋ ਅਜੀਤ ,ਜੁਝਾਰ ਨੂੰ ਲੱਭਦਾ ਹੋਊ ,,,
ਪਰ ਹੁੰਦਾ ਹੋਣਾ ਨਿਰਾਸ਼ ਜਦੋ ਤੁਹਾਨੂੰ ਸ਼ਹੀਦੀ ਦਿਹਾੜੇ ਤੇ ਕਰਦੇ ਮਸਤੀਆਂ ਤੱਕਦਾ ਹੋਊ ,,,
ਬਣ ਕੇ ਆਇਓ ਪੁੱਤ ਬਾਜਾਂ ਵਾਲੇ ਦੇ ਕੀਤੇ ਖਾਲੀ ਹੱਥ ਇਸ ਵਾਰ ਵੀ ਆਇਓ ਨਾ ,,,
ਜੇ ਜਾਣਾ ਤਾਂ ਸੱਚੇ ਦਿਲੋਂ ਜਾਇਓ ਸਰਹਿੰਦ ,ਫਤਹਿਗੜ ਸਾਹਿਬ ਨੂੰ ,,,
ਮੂੰਹ ਰੰਗਾਂ ਕੇ ਚੜ ਬੁਲਟਾਂ ਤੇ ਦਿਖਾਵੇ ਲਈ ਜਾਇਓ ਨਾ
ਇਜ਼ਤਾਂ ਦੇ ਰਾਖਿਓ ਕੀਤੇ ਜਾ ਕੇ ਕਿਸੇ ਦੀ ਧੀ ਭੈਣ ਵੱਲ ਮਾੜੀ ਅੱਖ ਨਾਲ ਤਕਿਓ ਨਾ ,,,
ਸ਼ਰਧਾ ਦੇ ਨਾਲ ਜਾ ਸੀਸ ਝੁਕਾਇਉ ਤਾਂਘ ਸੈਲਫੀਆਂ ਖਿੱਚਣ ਦੀ ਰੱਖਿਓ ਨਾ ,,,
ਅੱਗੇ ਰੋ ਰਹੀ ਸਿੱਖੀ ਬਹੁਤ ਹੈ ਹੋਰ ਜਿਆਦਾ ਇਸ ਨੂੰ ਰਵਾਇਓ ਨਾ ,,,
ਜੇ ਜਾਣਾ ਤਾਂ ਸੱਚੇ ਦਿਲੋਂ ਜਾਇਓ ਸਰਹਿੰਦ ,ਫਤਹਿਗੜ ਸਾਹਿਬ ਨੂੰ ,,,
ਮੂੰਹ ਰੰਗਾਂ ਕੇ ਚੜ ਬੁਲਟਾਂ ਤੇ ਦਿਖਾਵੇ ਲਈ ਜਾਇਓ ਨਾ
ਹੈਰਾਨੀ ਵਾਲੀ ਗੱਲ ਹੈ ਅਜੀਤ ,ਜੁਝਾਰ ਵੀਰੇ ਤੁਹਾਡੀ ਕੌਮ ਦੇ ਕੈਸੇ ਦਿਨ ਇਹ ਆ ਗਏ ਨੇ ,,,
ਸ਼ਹੀਦੀ ਦਿਹਾੜੇ ਤੱਕ ਤੁਹਾਨੂੰ ਯਾਦ ਨੇ ਰੱਖਦੇ ਸਾਰਾ ਸਾਲ ਹੀ ਦਿਲੋਂ ਭੁਲਾ ਗਏ ਨੇ ,,,
ਬਣੋ ਨੋਜਵਾਨੋ ਪੋਤਰੇ ਦਾਦੀ ਗੁਜਰੀ ਜੀ ਦੇ ਕੀਤੇ “ਅੰਮ੍ਰਿਤ” ਵਰਗੇ ਪਾਪੀ ਬਣ ਜਾਇਓ ਨਾ ,,,
ਜੇ ਜਾਣਾ ਤਾਂ ਸੱਚੇ ਦਿਲੋਂ ਜਾਇਓ ਸਰਹਿੰਦ ,ਫਤਹਿਗੜ ਸਾਹਿਬ ਨੂੰ ,,,
ਮੂੰਹ ਰੰਗਾਂ ਕੇ ਚੜ ਬੁਲਟਾਂ ਤੇ ਦਿਖਾਵੇ ਲਈ ਜਾਇਓ ਨਾ

ਇਹ ਦਿਨ ਸ਼ਹੀਦੀਆਂ ਵਾਲੇ, ਪਿਆ ਪਰਿਵਾਰ ਵਿਛੋੜਾ
ਚਮਕੌਰ ਗੜ੍ਹੀ ਵਿੱਚ ਲੜੇ ਜੁਝਾਰੂ ਤੇ ਲਾਲਾਂ ਦਾ ਜੋੜਾ
ਛੋਟੇ ਲਾਲਾਂ ਨੂੰ ਮਾਂ ਗੁਜਰੀ ਦੀ ਉਹ ਆਖਰੀ ਦੀਦ
ਗਿਣੇ ਨਹੀਂਓ ਜਾਣੇ ਸਿੰਘਾਂ, ਤੇਰੀ ਕੌਮ ਦੇ ਸ਼ਹੀਦ
ਗਿਣੇ ਨਹੀਂਓ ਜਾਣੇ ਸਿੰਘਾਂ, ਤੇਰੀ ਕੌਮ ਦੇ ਸ਼ਹੀਦ
ਤੱਤੀ ਤਵੀ ਨੂੰ ਭੁੱਲ ਗਏ, ਭੁੱਲ ਗਏ ਚੱਲਦੇ ਆਰੇ ਨੂੰ
ਸੀਸ ਧੜ ਤੋਂ ਵੱਖ ਕੀਤਾ ਗੁਰੂ ਤੇਗ ਬਹਾਦਰ ਪਿਆਰੇ ਨੂੰ
ਭਾਈ ਮਤੀ ਦਾਸ ਤੇ ਸਤੀ ਦਾਸ ਨੂੰ, ਕੋਈ ਸਕਿਆ ਨਹੀਂ ਖਰੀਦ
ਗਿਣੇ ਨਹੀਂਓ ਜਾਣੇ ਸਿੰਘਾਂ, ਤੇਰੀ ਕੌਮ ਦੇ ਸ਼ਹੀਦ
ਹੋਰ ਕਿਸੇ ਕੋਲ ਤੇਜ਼ ਨਹੀਂ ਐਨਾ ਕਿ ਬਖਸ਼ ਜਾਏ ਸਰਦਾਰੀ ਨੂੰ
ਆਪਣੇ ਸਿੱਖਾਂ ਪਿੱਛੇ ਵਾਰ ਜਾਏ ਹਰ ਚੀਜ਼ ਹੀ ਆਪਣੀ ਪਿਆਰੀ ਨੂੰ
ਗੁਰੂ ਨਾਨਕ ਦੇ ਘਰ ਸਾਰੀਆਂ ਦਾਤਾਂ ਨਾ ਲਾਈਏ, ਹੋਰਾਂ ਉੱਤੇ ਉਮੀਦ
ਗਿਣੇ ਨਹੀਂਓ ਜਾਣੇ ਸਿੰਘਾਂ, ਤੇਰੀ ਕੌਮ ਦੇ ਸ਼ਹੀਦ
ਖੂਨ ਦਾ ਪਾਣੀ ਪਾ ਕੇ ਫੁੱਲ ਮਹਿਕਣ ਲਾ ਗਏ ਮਾਲੀ
ਉਨ੍ਹਾਂ ਦੀ ਕੁਰਬਾਨੀ ਨੇ ਸਾਡੇ ਮੁੱਖ ਤੇ ਚਾੜੀ ਲਾਲੀ
ਅੱਜ ਮਾਣਦੇ ਹੋਏ ਸਰਦਾਰੀ ਨੂੰ, ਕਿਉਂ ਸੌਂ ਗਏ ਗੂੜੀ ਨੀਂਦ
ਗਿਣੇ ਨਹੀਂਓ ਜਾਣੇ ਸਿੰਘਾਂ, ਤੇਰੀ ਕੌਮ ਦੇ ਸ਼ਹੀਦ