स्टोर रूम की सफाई करदी हाण जब लास्ट लकड़ी का बक्सा ठाओ तो कूण मैं तै एक मुस्सी लिक्ड़ कै भाज्या करै …
आजकल ऐसे ऐसे बालक बी फेसबुक पै शेर बणे हांडैं हैं ..

इतणी महँगाई,,
अर उसमै तेरा न्युं भा खाणा,,
तेरी कसम भागवान,,
मरग्या यो गरीब बिचारा…!!

ताऊ फिल्मी हिरोइना पै छौ मैं आ रया था … नास कर राख्या देस का ना सरम ना लिहाज बेगैरत होरी सारी की सारी …
मखा ताऊ बुज्झै मन्ना हद मचा राक्खी …
हेमा मालिनी नै शादीशुदा आदमी गैल ब्याह करया …
श्री देवी नै शादीशुदा आदमी गैल ब्याह करया …
रवीना टंडन नै शादीशुदा माणस गैल ब्याह करया …
करिश्मा कपूर नै शादीशुदा आदमी गैल्यां ब्याह करया …
करीना कपूर नै शादीशुदा बंदे गैल्यां निकाह करया …
जूही चावला नै …
रानी मुखर्जी नै …
मान्यता दत्त नै
ये सारी शादीशुदा माणसा गैल्यां ई तो डूबी …
ताऊ की आंख्यां मैं लैट सी बलगी … बोल्या आच्छ्या रै या बात सै के … अरै मन्नै सुणी है अक अपणी सपना बी फिल्मां मैं आण आली है … देख जुगाड़ किम्मै तेरी ताई बणदी हो त

एक नशेड़ी नशे मैं औल फौल बकै था … एक जैंटलमैन सा पैहलवान उसतै आकै बोल्या :- रै तूं घरां जाकै चुप चाल्ला सोजा .. नातै ऐसा रैप्टा मारुंगा गाल का दर्द ना उटै तेरे पै …
नशेड़ी बोल्या … ओ पिलवान जी तूं जाकै सोजा … जे मारे तै मेरे दर्द होंदा तो मैं उस्से दन सुधर जांदा जब मेरे बाब्बू नै मैं नशे मैं देखकै पैहली बार छेतया था …

एक लड़की क पेट म दर्द होग्या अर वा डाक्टर धौरै गई…
डाक्टर :- रात नै के खाया था?
छौरी :- रात को मैंने हैमबर्गर, फ्राइड राईस, कार्न पिज्जा, चिल्ली पनीर और थोड़ी चिल्ड कोक ली थी।
डाक्टर :- फेसबुक कोन्या यो, साच्ची बता के खाया था?
छौरी :- जी, बथुऐ का रायता

काल मैं बस में सफर करु था..
मेरे साइड आली सीट प एक छोरा अर छोरी बैठे थे।
दोनों एक दूसरे ताइं अजनबी थे।
थोड़े टेम बाद वे आपस में बात करण लाग्गे।
बातचीत उस मुकाम तक पहुँचगी जीत मोबाइल नंबर का आदान प्रदान होया करे
छोरे का फोन बेरा ना क्यूं ऑफ था।
फेर छोरे ने अपनी जेब म त एक कागज लिकाड़ा, लेकिन लिखने के लिए उसपे पेन कोनी था।
अर मैं जब्बे समझ गया कि, उसने मोबाइल नंबर लिखण ताई पेन की जरूत स।
उसने बड़ी आशा से मेरी कहन देख्या।
मैंने अपनी शर्ट के ऊपरी जेब में टांग्या होड पेन लिकाडा
अर चालती बस त बाहर फेंक दिया।
.
.
“…ना खाऊँगा, ना खाण दूँगा..।।”

Wife :- दो घंटे खात्तर बजार जारी हूं , आपनैं कुछ चइए …
Me :- ना इतनाए बोहत सै …
(ना गई … बराबर मैं मुंह फुला कै बैठी है

देविओ और सज्जनो ( वैसे छौ मैं मत आइयो भाइयो मन्नैं थारे तै सज्जन बोल दिया 😉 ) तो आइए आज इस राज से पर्दा उठाते हैं कि पति हमेशा रात को घर लेट क्यों आता है … ?

No. 01 :- शादी के तुरंत बाद … सब घर वाले सो जांए फिर जांऊगा … और जाते ही मनमोहनी संग डाइरैक्ट ईलू ईलू … 😍

No . 02 :- शादी के पाँच साल बाद … यार थोड़ा लेट घर जांऊगा तब तक बच्चे सो जाएंगे … नो डिस्ट्रबैंस प्राणप्यारी से जाते ही प्यार भरी गुटरगूँ करूंगा … 😘

No. 03 :- दस साल बाद … रात बारां बजे … बार में पीने बैठे पति को वेटर बोलता है “ए शाब बश करो अबी घर जाओ बार बंद होने का टाइम हो गया है ” तो सामने से वो एक दर्द भरी मुस्कान चेहरे पे ला के बोलता है … “चल्या जाउंगा मेरे दोस्त , भाई चल्या जाउंगा थोड़ी देर और डट ज्या बस तब तक वा मेरी सास्सु आली सो लेगी तो मैं बी जाकै अराम तै सो जाउंगा मेरे बीर … ना तो फेर दिमाग का दही करैगी रोज की ढाल … चल्या जाउंगा बेट्टे , वेटर साब चल्या जाउंगा ..

दिल्ली की छोरी हरियाणवी छोरे गैल्यां ब्याह दी …
एक दन ओवर स्मार्ट बण कै पति गैल्यां मजाक कर बैठी … ड्रांइग रूम मैं बैठे तै जाकै बोली … देखिओ बाहर आपका कोई रिश्तेदार खड़ा है … 😗😗

पति नैं बाहर जाकै देख्या एक गधा खड़या था … बोल्या ओहो साले साब आप फोन बी ना करया , सास्सू जी ना आई … 😎😎

तीन दन तक मैडम पति की हर बात के जवाब में मैनी मैनी करदी रई … 😏😏

दिल्ली की लड़कियां कृप्या हरियाणा के लड़कों के गुण दोष जान के ही उनसे शादी करें … और उल्टा मजाक तो कतई ना करें … वरना मैनी मैनी करना पड़ सकता है ..

एक मैडम नै घणी वार सब्जी आले गैल्यां तुंतुं मैंमैं करी फेर उसके धौरै खड़े होकै एक सैल्फी लेकै फेसबुक पै पोस्ट करदी …

Fighting with सब्जीवाला ,
Feeling …. छौ ,
He is too much लुटेरा ,
Never purchase सब्जी from this डाकू ,
Every body पिछान लो ..

क्या आप जानते हैं … ?
कई मछलियां अंडे नही बच्चे देती हैं …
हाथी ढलान की तरफ तेज नही दौड़ सकता …
आप अपनी जीभ नीचे के दांतो से टच करके गर्लफ्रैंड नही बोल सकते …
बंदर कभी भी अप ……………. तूं गर्लफ्रैंड बोल ले प्हल्यां मैं तो ज्ञान बाद मैं बी दे ल्यूंगा

एक बै एक गादडी के पाछे दो कुत्ते लाग रे थे। वा भाज कै एक दूसरे गादड के बिल में बड गई। गादड बडा मसखरा था। वो आपणी बहू तै बोल्या “पुछिये ­ बहू नै क्यूं तंग पा री सै..?”
गादडी बोल्ली “म्हारै ­ छोरी के बटेऊ आरे सै अर आजै ले जाण की जिद कररे सैं।”
गादड छो में भर कै बोल्या “मैं देखूं सूं उन्हें जा कै।”
अकड में गादड ने बिल तै मुंह बाहर काढा तै दोनूं कुत्तां नै उसके दोनूं कान पकड लिये। गादड झटका मार कै उलटा ए बिल में बड ग्या। पर कान कुत्तां के मुंह में ही रह गये। भीतर दूसरी गादडी ने गादड की बहू तै कहा, “पूछिये री मेरे पितसरे के कानां कै के होग्या….?”
गीदड बोल्या “बटेऊ तै घणें ऊंत सैं। वैं छोरी के धोखें में मन्नै ए ट्राली में गेर के ले जावैं थे। बडी मुश्किल तै पिंडा छुड़ा कै आया सूं…!!

हूं तो मैं बी एक आम से घर का बालक , बाब्बु नै प्लस टू करवादी … फेर मेरे सपने सरु होए अक ईब माँ बाब्बु तै राज कराउंगा , उनके सपने पूरे करुंगा …

फेर किसी नै बताई अक बेट्टे कोई कोरस करना जरूरी है … बाब्बु नैं हिम्मत करकै कोरस बी करवा दिया दो साल का … ईब मैं खुश था , अक आण दे वकैंसी …

माँ बाब्बु खात्तर शहर मैं नवा घर बनांउगा … एक बैठक गाम तै आण आले चाचा ताऊ अर यारां दोस्तां खात्तर बी बणाऊंगा … जड़ै मेरा बाब्बु होक्का ले कै सबके बीच शान से बैठ्या होगा ,

अर फेर एक कोई मेरे सपनों की राजकुमारी बी होगी जो अपने माँ बाब्बु तै या कवैगी अक … अब क्या प्रोबल्म है अब तो आप हमारी शादी करवादो वरना मैं मर जाउंगी …

पर यार सपने तो सपने होते हैं … मेरी जॉब की वेकैंसी आई … टोटल अट्ठारह … अर अप्लाई करण आले कैंडिडेट साड्डे तीन लाख ,

मतलब उन साड्डे तीन लाख दोस्तां के सपने बी मेरे जैसे होंगे जो मेरे आला कोरस कररे हैं …

मेरा नंबर तो लाग्गै यां नां पर भगवान जी मजे लेणे हो तो मेरे ले … मेरे सपने मतना तोड़ै , बेसक एक आध्धी हड्डी तोड़ दे …