छोरी नैं फेसबुक पै एक काटड़े की फोटो पोस्ट करी … हमारे मिल्कमैन की बफैलो ने एक मिन्नी सा बेबी दिया … Sooo cute ना

अर उसके बाद रांडयां के रिप्लाई …

O god so cute कुच्ची कुच्ची कुच्ची …

अती सुंदर , इसका नाम ब्लैकी रखिएगा प्लीईईईज

बेबी आप ऐसी जगह मत वीजिट किया करो , वंहा आपके फीट्स में बफैलो की शिट लग जाएगी यू नो …

बेबी पार्टीईईईई

मेरी फेसबुक आली फोटू पै आज एक छोरी का कमैंट आया …

Nice pic , looking sooo handsome

मैं भाज कै गया अर सिस्से मैं अपणा मुंह देख्या …

फेर मुंह धो कै मुंह देख्या …

फेर साबण गैल्यां मुंह धो कै मुंह देख्या …

फेर सिस्सा धो कै मुंह देख्या …

फेर जाकै जकीन आया अक या कमैंट आला यां तो पापा की परी है यां फेक आई डी आला कोए कंजर दोस्त …

हाऊ क्या होता है …???

एक छोरी अपणे तीन साल के भतीजे तै बहका कै उसके हाथ मैं पकड़ी टॉफी खागी …
अर बोली … अले लेले मुन्ना की टॉफी हाऊ ले ग्या …

मुन्ना के ज्ञान चक्षू जब्बे खुलगे अक हाऊ चुड़ैल तै कए करैं

ट्रेन मैं एक मॉडर्न ख्याल की छोरी मेरे साथ टाइमपास खात्तर बातचीत कररी थी बात बात मैं बोली :- ये जो smoking करते हैं ना , I hate thos kind of men ,

मै बोल्या … सही बात है आपकी ऐसे लोग अपने साथ साथ आसपास वाले लोगों के स्वास्थ्य से भी खिलवाड़ करते हैं … और आजकल तो लड़कियां भी सिगरेट शराब पीने लगी हैं पता नही समाज किस ओर जा रहा है …

जब्बे बिफरगी :- how dere you … आप कौन होते हैं औरत की पसंद नापसंद में दख़ल देने वाले , आप जैसे मनुवादियों की सोच ने औरतों को हजारों साल से गुलाम बना के रखा है …

आस पास के लोग मेरे कान्नी न्यु देखण लागगे जणो मन्नै छोरी छेड़ दी

माँ का जन्मदिन है आज …
उस्नैं तो याद बी ना था … मन्नैं सोच्ची अक अपणी भोली माँ तै सरप्राइज द्युंगा आज … घरां जाकै सारे घरके कट्ठे कर लिए अर माँ तै बोल्या :- हैप्पी बर्थडे माँ … या केक पै मोमबत्ती जलाऊं हूं आप मोमबतियां कै फूंक मार कै केक काटो … अर और के गिफ्ट चइए आपनै …

माँ बोली :- रै तूं इस केक पै धर कै अपणा मोबाइल फूंक दे याए मेरा गिफ्ट सै ,

सबके स्यामी मेरा हैप्पी बर्डे कर दिया … खैर माँ तो माँ होती है

उपर आला ठाल्ली बेठ्या था एक दन … के करूं … के करूं …
उसके तो सोचने की देर थी ( बइ पावरफुल तो है ) सृष्टी रच दी … गोल गोल गेंद से ग्रह कोई इसके चक्कर काट रया कोए उसके अर जिसके सारे चक्कर काटरे वो बी चक्कर काट रया बेरा ना किसके …

इतना कन्फ्यूजन पर ना कोई लड़ाई ना झगड़ा ना दंगा ना फसाद ना ऐक्सिडैंट … मतलब मजेदार तो था पर कोए थ्रिल ना था … फेर बोरिंग सा माहौल हो ग्या थोड़े दन पाच्छै ( उसका एक दन बी करोड़ों साल का होए करै )

फेर उसनैं एक गेंद ( ग्रह ) चुनी उसपै पेड़ पौधे , जीव जंतू से बणा दिए … फेर कुछ दन जी सा लाग ग्या … पर मजे आली बात ना थी …

फेर उसनै बनाया इंसान …

अर उसके बाद आज तंई ढंग तै वा खुद बी ना सो पाया … जो उसनैं मान्नैं वा चौबिसों घंटे उसतै मांगे …
अर जो ना मानते वो … उसतै चैलेंज करदे रवैं … अक तूं है तो या करकै दिखा वा करकै दिखा …
अर जो बीच आले हैं … वे उसका नाम ले कै सारी दुनियां मैं नफरत फैलावें … देश , धर्म , रंग , नस्ल के नाम पै अर उसके बनाए इंसान तै उसी का नाम ले कै बेकूफ बणारे हैं अपणे सुख की खात्तर …
भाई मान जाओ … दुखी हो लिया वो ईब थारे लच्छना तै … रात बतावै था मेरे तै न्यू कवै था यार ईब तो या खेल खत्म करणा पड़ैगा घणा बेकार हो लिया ..

एक जाट की छोरी के ब्याह मैं फेरे
होण लाग रे
थे |
पण्डितआँख मींच क मंतर पढ़ क
बोल्या “ॐ गन गणपते नमह |
51 रुपे दक्षिणा समर्पियामी ”
नु कह क जाट त बोल्या धर 51 रुपे
गणेश जी प
| जाट ने 51 रुपे धर दिए |
फेर आँख मीच क और मन्त्र पढ़न लगगया |
थोड़ी हान पाछे फेर बोल्या “ॐ गन
गणपते
नमह |
101 रुपे दक्षिणा समर्पियामी ”
धरो 101 रुपे गणेश
जी प |
जाट ने 101 रुपे धर दिए | फेर आँख
मीच क और
मन्त्र पढ़न लगगया |
थोड़ी हान पाछे फेर बोल्या “ॐ गन गणपते
नमह |
151 रुपे दक्षिणा समर्पियामी ”
धरो 151 रुपे
गणेश
जी प | जाट ने 151 रुपे फेर धर दिए |
पण्डित आँख मीच क और मन्त्र पढ़न
लगगया | जाट नै सोची भी पंडित
त
कत्ती लूट क छोड़े गा |
इब के ने जाट ने गणेश जी की मूर्ति ठा क जेब में
रख
ली |
पंडित फेर बोल्या “ॐ गन गणपते
नमह |
201 रुपे दक्षिणा समर्पियामी ” धरो 201 रुपे
गणेश जी प अर
आँख
खोल क
देख्या; त गणेश जी गायब थे | पंडित
बोल्या –
चोधरी साहब ये गणेश जी कित गए
| जाट बोल्या – पंडित जी देश मे और
भी त ब्याह
सं
एकला मेरी बेटी काये थोडा स |
हो सके स किसे और के फेरां प चले
गए हों.

या चुटकला तो ना है सच्ची घटना है मेरे साथ घटी थी …
एअरइंडिया मैं युनियन बाजी के चलदे एअर होस्टैस बी पचपन छप्पन की हो कै रिटायर होवैं सैं समझै वे खुद नै सोलां साल की सैं … अर इकोनमी क्लास आले कस्टमर गैल्यां बिहेव न्यू करैं जणूं वा उनकी छात्ती पै बैठ कै जा रया हो … ढाई घंटे की फ्लाइट थी दिल्ली तै आबूधाबी की मेरी एकबै … वा नास्ता ब्रेड बटर , चटनी बर्गर सा दे कै गई …
अर पैग तो दो प्हल्यां ए ला लिए थे …
तीस लागगी … धौरै तै जावै थी मखा मैडम थोड़ा पानी ला दिजीए प्लीज …
ना सुणी …
अगली बार नजदीक तै लिक्ड़न लाग्गी मखा मैडम पानी ला दो …
ना जी …
तीसरी बार बी कोए असर ना …
फेर तो मेरे अंदर का हरयाणवी जाग ग्या घणी दूर थी मैं रुक्का दे कै बोल्या … ओ आंटी जी पाणी प्यादे गला सूख रया है …
दस सैकेंड मैं ले कै आई आंख्यां तै अंगारे बरस रे थे अर बोतल मेरे स्यामी एडजस्टेबल टेबल पै पटक कै गई … ड्युटी थी ना तो मेरे सिर पै मारती ..

ताऊ फिल्मी हिरोइना पै छौ मैं आ रया था … नास कर राख्या देस का ना सरम ना लिहाज बेगैरत होरी सारी की सारी …
मखा ताऊ बुज्झै मन्ना हद मचा राक्खी …
हेमा मालिनी नै शादीशुदा आदमी गैल ब्याह करया …
श्री देवी नै शादीशुदा आदमी गैल ब्याह करया …
रवीना टंडन नै शादीशुदा माणस गैल ब्याह करया …
करिश्मा कपूर नै शादीशुदा आदमी गैल्यां ब्याह करया …
करीना कपूर नै शादीशुदा बंदे गैल्यां निकाह करया …
जूही चावला नै …
रानी मुखर्जी नै …
मान्यता दत्त नै
ये सारी शादीशुदा माणसा गैल्यां ई तो डूबी …
ताऊ की आंख्यां मैं लैट सी बलगी … बोल्या आच्छ्या रै या बात सै के … अरै मन्नै सुणी है अक अपणी सपना बी फिल्मां मैं आण आली है … देख जुगाड़ किम्मै तेरी ताई बणदी हो त

रिक्शावाले की लड़की नैं आईएएस करके किया पिता का नाम रोशन …

रिक्शावाले का लड़का हुआ नासा के लिए सिलैक्ट …

रिक्शावाले के दोनों बच्चे आई पी ऐस अधिकारी बनें … किया राज्य का नाम रोशन …

ये सब खबर फेसबुक पै देख कै मैं बाब्बु तै बोल्या :- के धरया पापा इस पुलिस की नौकरी मैं रिक्शा चलाले नैं …

भाई भित्तरले स्टोररूम मैं मूंद राख्या मैं … मेरी टोटल बॉडी मसाज करके … अर सुण ल्यो रैय जिसका बाब्बु पुलिस मैं है वो अपने बाब्बु स्यामी या सलाह कदे मत ले कै जइओ … उसनैं न्यु बेरा होए करै अक क्युकर बक्कल तारे करैं …

हां बाकी भाई ट्राई करकै देख ल्यो … जे थारा बाब्बु मान ग्या तो जिंदगी सैट हो जागी …

भाइयोरभैणों डॉलर इक्कत्तर रुपइये का हो गया है … रुपइया गिर रहा है …
क्यों हुआ सोचा है किसी नें …
ये सब कांग्रेस की गल्ती है भाइयोरभैणौंओओओ …

उन्होने एक घटिया चाल चल के रुपए का सिक्का गोल बनाया … इसलिए रुपया लुड़क कर गिर जाता है …

लेकिन अब ऐसा नही होगा मितरोंओंओं … इस बार सिक्का बंदी होगी और हम चकोर सिक्के बनांएगे … जो ना लुड़केंगे ना गिरेंगे …

देविओ और सज्जनो ( वैसे छौ मैं मत आइयो भाइयो मन्नैं थारे तै सज्जन बोल दिया ) तो आइए आज इस राज से पर्दा उठाते हैं कि पति हमेशा रात को घर लेट क्यों आता है … ?

No. 01 :- शादी के तुरंत बाद … सब घर वाले सो जांए फिर जांऊगा … और जाते ही मनमोहनी संग डाइरैक्ट ईलू ईलू …

No . 02 :- शादी के पाँच साल बाद … यार थोड़ा लेट घर जांऊगा तब तक बच्चे सो जाएंगे … नो डिस्ट्रबैंस प्राणप्यारी से जाते ही प्यार भरी गुटरगूँ करूंगा …

No. 03 :- दस साल बाद … रात बारां बजे … बार में पीने बैठे पति को वेटर बोलता है “ए शाब बश करो अबी घर जाओ बार बंद होने का टाइम हो गया है ” तो सामने से वो एक दर्द भरी मुस्कान चेहरे पे ला के बोलता है … “चल्या जाउंगा मेरे दोस्त , भाई चल्या जाउंगा थोड़ी देर और डट ज्या बस तब तक वा मेरी सास्सु आली सो लेगी तो मैं बी जाकै अराम तै सो जाउंगा मेरे बीर … ना तो फेर दिमाग का दही करैगी रोज की ढाल … चल्या जाउंगा बेट्टे , वेटर साब चल्या जाउंगा ..

हूं तो मैं बी एक आम से घर का बालक , बाब्बु नै प्लस टू करवादी … फेर मेरे सपने सरु होए अक ईब माँ बाब्बु तै राज कराउंगा , उनके सपने पूरे करुंगा …

फेर किसी नै बताई अक बेट्टे कोई कोरस करना जरूरी है … बाब्बु नैं हिम्मत करकै कोरस बी करवा दिया दो साल का … ईब मैं खुश था , अक आण दे वकैंसी …

माँ बाब्बु खात्तर शहर मैं नवा घर बनांउगा … एक बैठक गाम तै आण आले चाचा ताऊ अर यारां दोस्तां खात्तर बी बणाऊंगा … जड़ै मेरा बाब्बु होक्का ले कै सबके बीच शान से बैठ्या होगा ,

अर फेर एक कोई मेरे सपनों की राजकुमारी बी होगी जो अपने माँ बाब्बु तै या कवैगी अक … अब क्या प्रोबल्म है अब तो आप हमारी शादी करवादो वरना मैं मर जाउंगी …

पर यार सपने तो सपने होते हैं … मेरी जॉब की वेकैंसी आई … टोटल अट्ठारह … अर अप्लाई करण आले कैंडिडेट साड्डे तीन लाख ,

मतलब उन साड्डे तीन लाख दोस्तां के सपने बी मेरे जैसे होंगे जो मेरे आला कोरस कररे हैं …

मेरा नंबर तो लाग्गै यां नां पर भगवान जी मजे लेणे हो तो मेरे ले … मेरे सपने मतना तोड़ै , बेसक एक आध्धी हड्डी तोड़ दे …

स्टोर रूम की सफाई करदी हाण जब लास्ट लकड़ी का बक्सा ठाओ तो कूण मैं तै एक मुस्सी लिक्ड़ कै भाज्या करै …
आजकल ऐसे ऐसे बालक बी फेसबुक पै शेर बणे हांडैं हैं ..