एक बाबा दस साल तै हिमालय पै था …
एक पत्रकार उसका इंटरव्यू लेंदा बुझण लाग्या :- महाराज आप इतनी ठंड में कैसे रह लेते हो ?

महाराज नैं जवाब दिया :- बस जी तपस्या और चाय मुझे ठंड से बचाते हैं … आप क्या पसंद करेंगे तपस्या यां चाय ?

पत्रकार बोल्या ;- जी चाय …

बाबा नैं रुक्का दिया :- ए तपस्या सुणैं है या बाऊजी खात्तर चाय बणा लिया ..

पैसा ही सब कुछ नही होता …

ये एक ऐसा झूठ है जो पैसेवाले गरीब तै बेवकूफ बणान खात्तर अर गरीब अपणें बालकां तै तसल्ली देण खात्तर सदियों तै बोल्दे आरे हैं ..

हरियाणा कै बालक नैट पैक 2G लगवावै,
अर चाहवै यूट्यूब पै सपना कै डांस देखणा

जंगल मैं एक शेर खड्डे मैं फंस ग्या … उपर पेड़ पै बैठ्या बांदर मजाक उड़ान लागया :- क्यों राजा साब ले रया जी सा … खत्म ईब राज पाठ तेरा , इब तो किसी शिकारी के घर खाल टंगी पावैगी प्रधान तेरी … आंख मतना काड्डै साले फोड़ दयुंगा डला मारकै …
जब्बे पेड़ की डाल टूटगी अर बांदर बी उसे खड्डे मैं गिर गया … बचारे के छक्के छूटगे , पड़दाए शेर के पाँ पकड़ कै बोल्या :- माहराज उपर पेड़ पै तो किसी शैतान का साया है समझ आंदे इ मैं तो माफी मांगण कूद पड़या … माँ की सूँ ले .

आज की शोले …

कालिया हरयाणवी होंदा तो … 😎😎

गब्बर :- कितने आदमी थे … टूंऊंऊंऊंऊं ( बैकग्रांऊड सांउड )

कालिया :- सरदार चालिस पचास तो होंगे गिणे ना ,

गब्बर :- ओ बकलोल न्यु कए करैं सरदार दो ,

कालिया :- आहो साले अर फेर तूं हमनै हंसा हंसा कै गोली मार दिए … तेरे फुफ्फे वे गाम आले बी तो थे उन गैल्यां …

मैं अपणे छोरे तै बोल्या … देख ब्रो मैं रुढ़ीवादी बाब्बू ना हूं … मैं अर तूं फ्रैंड हैं आज तै तूं मेरी गैल्यां खुल कै बात कर सकै है बडी …

आग्गे तै बोल्या … या ब्रो आई थिंक सो … बट देअर इज सम प्रोब्लम भाई … अपणी आईटम नै समझा ले … कदिए छेत गेरै मन्नै … आई डोंट लाइक दिस हुंह …

कूण मैं बैठया रो रया है इब झकोई … मेरे अंदर का बाब्बू जाग ग्या अर उसनै मेरी इजाजत लिए बिना थप्पड़ा दिया मेरा फ्रैंड … 😏😏😏

अरै कुत्ते तेरी मां है मेरी आइटम …

बस मैं बैठ्या था घणी भीड़ थी एक सुथरी छोरी खड़ी देख कै ना डट्या गया बोल्या :- मैं तन्नै अपणी सीट दे दूं पर तूं सोच्चैगी मैं तन्नै सैट करण की कौशिश करुं हूं ,
बोली ना तो मैं तो ना सोच्चूं ऐसा … 😗
मखा रैहण दे फेर खड़ी रै ..

या न्यूज चैनल आल्यां की मानै तो वा कोरिया का कुत्तरु बेरा ना कद दुनिया का खात्मा करदै …

बस एक आखरी अवाज आवैगी …

सूंऊंऊंऊंऊंऊंऊं ठांआंआंआंअअ……. .. . .

हाम तो ज्यांतै तावली तावली पोस्ट गेरां हाँ … रै बैरियो ले ल्यो जी सा … बेरा ना कल हो ना हो .

बुलेट ट्रेन तो उन देशों के लिए बनी है जहां समय की कमी हो।
हमारे देश मे तो अगर कहीं JCB लगी हो तो आधा गांव उसे देखने चला जाता है।
ड्राइवर बैक कर रहा हो तो 15 आदमी ‘आण दे आण दे’ में लगे रहते हैं।

पत्थर उठा के मारते हैं मेरे ही मुझको …

दीवाना हो गया हूं मैं … देख के तुझको ,

तूं खुद भी खुद के जलवे से अंजान है शायद …

तिरछी नजर से आइने में देख तो खुद को

इतणी महँगाई,,
अर उसमै तेरा न्युं भा खाणा,,
तेरी कसम भागवान,,
मरग्या यो गरीब बिचारा…!!

एक बंदे नै मीट की दुकान खोली अर बाहर बोरड पै लिख दिया ….

यंहा बकरे का ताजा मीट मिलता है

एक आया बोल्या … भाई आसपास और बी मीट की दुकान है के … ?

कसाई बोल्या … नां तो …

बोल्या फेर यंहा क्यों लिख रख्या वातो दिक्खण लग रया …

कसाई नै यंहा मिटा दिया … रै ग्या बकरे का ताजा मीट मिलता है

फेर एक आया … मुर्गा मच्छी बी बेचे करै के

… ना भाई

फेर बकरे का क्यों लिख राख्या … वा तो दिक्खणे लाग रया

बकरे का मेट दिया … रै ग्या ताजा मीट मिलता है

एक और आया … बासी मीट बी बेच्चे करै तीन चार दिनां का

बोल्या ना रै भाई

फेर ताजा क्यों लिख राख्या … लोग शक करैंगे

ताजा हटा दिया रै ग्या … मीट मिलता है

एक और हस्ती आई … भाई दाल सब्जी बी बेचे करै ?

ना यार दिखता नाके

फेर मीट मिलता है क्यों लिख राख्या … लोग आंधे हैं के

पूरे बोरड पैए पोच्छा मारकै बैठ ग्या

फेर एक महान शख्श आया अर बोल्या … भाई इतनी बड़ी दुकान खोल कै बैठ ग्या … बोरड बी है इसपै इतना ना लिख सकता …

यंहा पर बकरे का ताजा मीट मिलता है … 😏😏😏

कसाई नै बकरे का सींग बगाकै मारया साले कै

ट्रेन मैं एक मॉडर्न ख्याल की छोरी मेरे साथ टाइमपास खात्तर बातचीत कररी थी बात बात मैं बोली :- ये जो smoking करते हैं ना , I hate thos kind of men ,

मै बोल्या … सही बात है आपकी ऐसे लोग अपने साथ साथ आसपास वाले लोगों के स्वास्थ्य से भी खिलवाड़ करते हैं … और आजकल तो लड़कियां भी सिगरेट शराब पीने लगी हैं पता नही समाज किस ओर जा रहा है …

जब्बे बिफरगी :- how dere you … आप कौन होते हैं औरत की पसंद नापसंद में दख़ल देने वाले , आप जैसे मनुवादियों की सोच ने औरतों को हजारों साल से गुलाम बना के रखा है …

आस पास के लोग मेरे कान्नी न्यु देखण लागगे जणो मन्नै छोरी छेड़ दी

इंटरयू देण गया था … सवाल बुझणिया बोल्या :- जावा के चार वर्सन बताइए … ?
मन्नैं खंखार कै गला साफ करया अर बोल्या :- हूंऊंऊंऊं मर जावा , मिट जावा , लुट जावा ओए सदके जावा … 😎😎😎

आगे तै कैहण लाग्या :- छोरे रै बोहत बढिया ,
इब तूं अपणे आप घर जावा या तन्नैं औढ़ै गेरण जावा … 😏😬😩

नौकरी तो ना मिली पर वा झकौई हरियाणवी सीख ग्या … 😂😆😜

थोड़ी टैंसन सी होरी थी दोस्तो … मन्नैं पता है दारू हल ना है …
पी ली और पिऊंगा ,कौए साथ बैठ ज्यो रै मेरे