Sometimes akukhona ukuthi abantu bayachoma, uwena nje osuke ubuka ngeso lomona.

Lo nyaka musha kodwa ngathi sebeke bawusebenzisa.

Wena: “Thank You Lord for another day.”

God: “Awuna-funeral cover, I had no choice.”

Umsindo engiwufice kwaZwane, ugogo wakhona ngathi ushidabe nge-statement sikaSne.

: “Makoti!”

: “Mah.”

: “Ungayiplastela wena indlu uwedwa ‘yazi.”

: “Hawu, ngobani mah?”

: “Ngibona indlela oyibhixa ngayo i-peanut butter.”

Ama-posts alapha ekhaya angiwabhekise kumuntu, kodwa uma isicathulo sikunela, sigqoke Cinderella.

Dear Gift Of The Givers,

INkosi inibusise ngalo msakazo omuhle kangaka enangipha wona njengoba nanilapha eHuuzville Home For The Aged. Ngineminyaka engamashumi ayisishiyagalombili nesikhombisa (87), umndeni wami wangiletha lapha ngoba bethi baxakwe ngumsebenzi engekho ozonginakekela. Ngithanda ukudlulisa
okukhulu ukubonga kanye nothando enilukhombisile kulesi salukazi esiyimina esesilahlwe ngumndeni
waso.

Umkhozi wami (sengisho lo engilala naye ekamelweni) uneminyaka engamashumi ayisishiyagalolunye nanhlanu (95) kanti ubehlale enomsakazo wakhe; kodwa ubengangivumeli ngiwusebenzise. Wangitshela ukuthi kwakungokamyeni wakhe osewashona, ngakho-ke ngokuqonda lokho, wayefuna ukuwugcina uphephile.

Nakhu-ke ngelinye ilanga umsakazo wakhe lowo wawa washayeka kabi waba zicucu ngenkathi ezama ukuvuka aye endlini encane. Kwakukubi impela, ekhala umngani wami. Wangibuza ukuthi angawusebenzisa yini owami, ngaba nenkulu intokozo lapho sengimtshela ukuthi akafusege.

Ngiyabonga ngaleli thuba.
INkosi inibusise.

Yimina,
uTryphina Nyembe