ਕਈ ਮੇਰੇ ਵੀਰ ਕਹਿੰਦੇ ਕੇ ਸਾਨੂੰ ਆਜ਼ਾਦੀ ਨਹੀਂ ਮਿਲੀ ਅਸੀਂ ਅੱਜ ਵੀ ਗੁਲਾਮ ਆ , ਪਰ
– ਕੁੜੀਆਂ ਨੂੰ ਛੇੜਣ ਦੀ ਸਾਨੂੰ ਆਜ਼ਾਦੀ ਆ
– ਟ੍ਰੈਫਿਕ rule ਤੋੜਨ ਦੀ ਸਾਨੂੰ ਆਜ਼ਾਦੀ ਆ
– ਦੰਗੇ ਕਰਨ ਦੀ ਸਾਨੂੰ ਆਜ਼ਾਦੀ ਆ
– ਗਰੀਬ ਨੂੰ ਲੁੱਟਣ ਦੀ ਸਾਨੂੰ ਆਜ਼ਾਦੀ ਆ
– ਭਰੂਣ ਹੱਤਿਆ ਕਰਨ ਦੀ ਸਾਨੂੰ ਆਜ਼ਾਦੀ ਆ
– ਮਿਲਾਵਟੀ ਚੀਜ਼ਾਂ ਵੇਚਣ ਦੀ ਸਾਨੂੰ ਆਜ਼ਾਦੀ ਆ
– ਧਰਮਾਂ ਪਿੱਛੇ ਲੜਨ ਦੀ ਸਾਨੂੰ ਆਜ਼ਾਦੀ ਆ
ਇਹੋ ਜਿਹੀ ਆਜ਼ਾਦੀ ਕਿਸੇ ਹੋਰ ਦੇਸ਼ ਚੋਂ ਲੱਭਣੀ ਆ ?
ਸਭ ਕੁਛ ਸਰਕਾਰ ਤੇ ਨਹੀਂ ਛੱਡੀਦਾ ਹੁੰਦਾ ਕੁਝ ਚੀਜ਼ਾਂ
ਸਾਨੂੰ ਖੁਦ ਨੂੰ ਵੀ ਸੁਧਾਰਨੀਆਂ ਪੈਂਦੀਆਂ ,

“ਸਮਾਂ” ਅਤੇ “ਸਮਝ” ਇਕੱਠੇ
ਖੁਸ਼ਕਿਸਮਤ ਲੋਕਾਂ ਨੂੰ ਹੀ ਮਿਲਦੇ ਹਨ.!
ਕਿਉਂਕਿ, ਅਕਸਰ ਸਮੇਂ ਤੇ “ਸਮਝ” ਨਹੀ ਹੁੰਦੀ.
ਅਤੇ ਸਮਝ ਆਉਣ ਤੇ “ਸਮਾਂ” ਬੀਤ ਗਿਆ ਹੁੰਦਾ ਹੈ…!

ਬਣਾਕੇ ਦੀਵੇ ਮਿੱਟੀ ਦੇ
ਥੋੜੀ ਜਿਹੀ ਆਸ ਪਾਲੀ ਹੈ
ਮੇਰੀ ਮਿਹਨਤ ਖਰੀਦੋ ਲੋਕੋ
ਮੇਰੇ ਘਰ ਵੀ ਦੀਵਾਲੀ ਹੈ

ਜਿਸ ਹਿਸਾਬ ਨਾਲ ਨੌਜਵਾਨ ਨਸ਼ਿਆਂ ਦੀ ਭੇਂਟ ਚੜ੍ਹ ਰਹੇ ਨੇ
ਇਹ ਪਤਾ ਕਰ ਲਓ ਕੇ ਰਾਜੇ ਨੇ ਨਸ਼ੇ ਖਤਮ ਕਰਨ ਦੀ ਸੋਹੰ
ਖਾਧੀ ਸੀ ਕਿ ਨਸ਼ਿਆਂ ਨਾਲ ਪੰਜਾਬ ਦੀ ਜਵਾਨੀ ਖਤਮ ਕਰਨ ਦੀ

ਜਰੂਰੀ ਨਹੀ ਸਿਰ ਝੁੱਕਉਣ ਵਾਲਾ ਗੁਲਾਮੀ
ਹੀ ਕਰਦਾ ਹੋਵੇ..
ਜਿੱਥੇ ਪਿਆਰ ਹੋਵੇ ਸਿਰ ਉਥੇ ਵੀ ਝੁੱਕ ਜਾਂਦਾ..

ਦੁਆਵਾਂ ਦੀ ਤਾਕਤ ਦਾ ਤਾਂ ਉਸ ਟਾਇਮ ਪਤਾ ਚੱਲਦਾ..
ਜਦੋ ਬੰਦਾ ਠੋਕਰ ਖਾ ਕੇ ਵੀ ਨਹੀ ਡਿੱਗਦਾ…

ਜੇਕਰ ਬੁਰੇ ਵਕਤ ਵਿੱਚ ਕੋਈ ਕੋਲ ਆ ਕੇ ਕਹਿ ਦੇਵੇ ਕਿ
ਚਿੰਤਾ ਨਾ ਕਰ ਮੈਂ ਤੇਰੇ ਨਾਲ ਹਾਂ.. ਤਾਂ ਇਹ ਸ਼ਬਦ
ਹੀ ਦਵਾਈ ਬਣ ਜਾਂਦੇ ਨੇ..!

ਮੈਂ ਸਿਰਫ ਆਪਣੇ ਨਾਮ ਨਾਲ ਜਾਣਿਆ ਜਾਂਦਾ ਹਾਂ..
ਪਤਾ ਨਹੀਂ ਹੁਣ ਇਹ ਸ਼ੌਹਰਤ ਹੈ ਯਾ ਬਦਨਾਮੀ..!!

ਮੈ ਬੁਰਾ ਹਾਂ ਤਾਂ ਬੁਰਾ ਹੀ ਸਹੀ….
ਘੱਟੋ-ਘੱਟ ਸ਼ਰਾਫ਼ਤ ਦਾ ਦਿਖਾਵਾ ਤਾਂ ਨਹੀ ਕਰਦਾ.!!

ਫਰਕ ਤਾਂ ਬਸ ਇੰਨਾਂ ਹੀ ਹੈ..
ਸਟੇਜਾਂ ਤੇ ਨੱਚਣ ਵਾਲੀ ਨੂੰ ਲੋਕ ਕੋਸਦੇ ਨੇ
ਤੇ ਟਿੱਕ ਟੋਕ ਤੇ ਨੱਚਣ ਵਾਲੀ ਦੇ ਫੈਨ ਬਣੇ..!!

ਪਿਤਾ ਹਮੇਸ਼ਾ ਨਿੰਮ ਦੇ ਰੁੱਖ ਵਰਗਾ ਹੁੰਦਾ ਹੈ,
ਜਿਸ ਦੇ ਪੱਤੇ ਭਾਵੇਂ ਕੌੜੇ ਹੋਣ ਪਰ
ਉਹ ਛਾਂ ਹਮੇਸ਼ਾ ਠੰਢੀ ਦਿੰਦਾ ਹੈ।

ਪੜ੍ਹਿਆ ਲਿਖਿਆ ਵਹਿਮੀ ਵਿਅਕਤੀ ਸਮਾਜ ਲਈ ਸਭ ਤੋਂ ਵੱਧ ਖਤਰਨਾਕ ਹੁੰਦਾ
ਡਾਕਟਰ ਅਤੇ ਅਧਿਆਪਕ ਦਾ ਅੰਧ-ਵਿਸ਼ਵਾਸ਼ੀ ਹੋਣਾ ਸਮਾਜ ਦੇ ਮਾੜੇ ਭਵਿੱਖ ਦੀ ਨਿਸ਼ਾਨੀ ਹੈ

ਰੱਬਾ ਤੇਰਾ ਡਰ ਤਾਂ ਕਦੇ ਸੁਣਿਆ ਹੀ ਨਹੀ ਸੀ ..
ਪਰ ਮਾਂ ਪਿਉ ਦੇ ਡੰਡੇ ਵਾਲੇ ਡਰ ਤੋ..
ਅੱਜ ਵੀ ਸਿੱਧੇ ਰਾਹ ਤੇ ਆ..