या न्यूज चैनल आल्यां की मानै तो वा कोरिया का कुत्तरु बेरा ना कद दुनिया का खात्मा करदै …

बस एक आखरी अवाज आवैगी …

सूंऊंऊंऊंऊंऊंऊं ठांआंआंआंअअ……. .. . .

हाम तो ज्यांतै तावली तावली पोस्ट गेरां हाँ … रै बैरियो ले ल्यो जी सा … बेरा ना कल हो ना हो .

पप्पी की सगाई होई …
सोने की अंगूठी पहरा दी सुसराड़ आल्यां नै …
नोरमल बात सै …

लोगां तै बहाने बहाने तै अंगूठी दिखाण की कौशिश करै था किसी नै ध्यान ना दिया …
ईब बात नोरमल ना रई …

तंग आकै तीसरे दन अपणे घर मैं आग लादी … लोग कट्ठे हो कै पाणी गेर कै आग बुझाण लागरे थे … अर पप्पी वाए अंगूठी आली आंगली तै इशारे कर कर कै रुक्के देण लाग्या … औढ़ै पाणी गेरो , औढ़ै पाणी गेरो …
थोड़ी हाण मैं एक नै बूझ लिआ … रै पप्पी या अंगूठी कित तै लियाया …

पप्पी उस्तै एक रैप्टा मार कै बोल्या … रै फुफ्फा जे पहल्यां ए बूझ लेता तो मेरे घर मैं आग तो ना लागती …

आजकल के बालक पेपरां मैं नंबर कम आए पाच्छै घर छौड़ कै भाज ज्यां हैं …

अरै बालको या के बुजदिलां आली हरकत करो हो …

अरै मूरखो म्हारे टैम मैं तो नंबर म्हारे कम आया करते अर स्कूल छौड़ कै मास्टर जी भाज जा था … अक ईब समाज मैं के मुंह दिखाउंगा …

अर म्हारा आठवीं आला मास्टर तो म्हारे रिजल्ट आए पाच्छै पकड़या गया था …

आत्महत्या का परयास करदा

दिल्ली की छोरी हरियाणवी छोरे गैल्यां ब्याह दी …
एक दन ओवर स्मार्ट बण कै पति गैल्यां मजाक कर बैठी … ड्रांइग रूम मैं बैठे तै जाकै बोली … देखिओ बाहर आपका कोई रिश्तेदार खड़ा है … 😗😗

पति नैं बाहर जाकै देख्या एक गधा खड़या था … बोल्या ओहो साले साब आप फोन बी ना करया , सास्सू जी ना आई … 😎😎

तीन दन तक मैडम पति की हर बात के जवाब में मैनी मैनी करदी रई … 😏😏

दिल्ली की लड़कियां कृप्या हरियाणा के लड़कों के गुण दोष जान के ही उनसे शादी करें … और उल्टा मजाक तो कतई ना करें … वरना मैनी मैनी करना पड़ सकता है ..

न्यू सोचूं था अक आज एक महान रचना लिखूंगा पेज के दोस्तां तंई …

की बोर्ड पै बैठ्या ए था , माँ की अवाज आई … रै जाइए मड़ा दानें पिसवा ल्या …

एरी माँ तेरे मड़े दानेयां के चक्कर मैं आज फेर दुनिया एक महान रचना पढ़ण तै चूकगी … 😏😏😏

हर महान रचनाकार की राह में रोड़े उसके परिवार वाले ही बिछाते हैं … सइ बात है … हुंह … एकबै फेर हुंह …

करनी सेना वालों से एक करबद्ध निवेदन …

भाई जो भी करो थारी मर्जी है … पर एक काम जरुर करिओ इसी बहाने औढ़ै जो मक्की के फुल्ले अर बरफ आली चाय बेच्चैं है न उनके गट्टे जरुर तोड़िओ मेरे भाई …

सुसरा दस रपइयां का सौदा नी … द्यो जी एक सौ बीस रपइए , ब्लैकमेलर हैं यार … आत्मा तक चिंघाड़ मारै है रेट सुणकै .

डॉक्टर :- ताऊ जी कैसी तबीयत है अब ताई की …

ताऊ जी :- इब तो किम्मे सुधार सै … तड़की तो मड़ी मड़ी लड़ी बी थी मेरी गैल्यां

सिर्फ पिच्छलग्गु बनके विरोध करने वालो एक बार पद्मावत देख के तो आओ …
राजपूती आन बान शान को कैसे खूबसूरती से दिखाया है इसमें

आज मौसी का छोरा आ रया था … माँ नै जांदी हाण उस्तै सौ रपइए दिए प्यार के …
मन्नै बाहर लिक्ड़दे ई हेर लिआ … ओ कुत्ते गाजरपाक खुआ कै जा ,

हे प्रभू मेरे इस गुनाह को माफ करना वो भी मेरी गैल ऐसे इ करता है जी

आज की शोले …

कालिया हरयाणवी होंदा तो … 😎😎

गब्बर :- कितने आदमी थे … टूंऊंऊंऊंऊं ( बैकग्रांऊड सांउड )

कालिया :- सरदार चालिस पचास तो होंगे गिणे ना ,

गब्बर :- ओ बकलोल न्यु कए करैं सरदार दो ,

कालिया :- आहो साले अर फेर तूं हमनै हंसा हंसा कै गोली मार दिए … तेरे फुफ्फे वे गाम आले बी तो थे उन गैल्यां …

इतिहास गवाह है…
हास्टल म रहणिये बालका कै इतनी Tension पढाई की ना होती जितनी कपडे धोण की होजयै है

दिल्ली की छोरी :- आपने किसी से प्यार किया है … 😗
हरयाणवी छोरा :- आहो मैडम घणा किया है जी … 😎
दिल्ली की छोरी :- WOW किससे … 😗

हरियाणवी छोरा :- घी बूरे तै … खाट्टू के साग अर बाजरे के रोट तै … घेवर तै … लास्सी तै … मक्खण तै … और बी घणी चीज हैं मैडम जी … 😎

दिल्ली की छोरी :- पागल हो क्या इनसे कौन प्यार करता है … 😗

हरियाणवी छोरा :- हाम करां हां मैडम जी , एकबै खा कै देख ल्यो आपनै बी हो जागा

म्हारे ताऊ नै चाला कर राख्या आज तो ,

न्यू कवै पांया कान्नि तै जाड्डा चढ़ै …

धोती गैंल्यां अपणै पोते के स्पोर्ट शूज पैहरे हांड रया गाम मैं … अर पोता उसकी जुत्ती पैहर के किरकट खेलण जा रया है …

इंटरयू देण गया था इधर उधर के सवाल करकै वा बोल्या :- तो आपकी कोई कमजोरी भी है तो बताओ …

मखा जी मेरै पैग लाग रहा हो अर मेरे को कोए गंवार कैह दे तो मैं उसको साला बावली बूच बोल देता हूं जी …

बोल्या … ओह ये तो तुम सचमुच गंवारो वाली हरकत करते हो ,

मखा ओ साले बावली बूच अपणी लिमट मैं रै लिए …

फेर बेरा ना के होया सालेयां नै मेरा मुंह सूंघ सूंघ छेत्या मैं

. भाई तेरे भतिजे नै प्लस टू फ्रस्ट कलास तै पास करली , ईब आगै के कराऊं … ?

… भाई न्यू कर उसतै बी टैक करादे , यां ऐम बी ए करलेगा … दिमाग तो बढ़िया है बेट्टे मैं ,

… फेर भाई ये कोरस करे पाच्छै बढ़िया जॉब पाजागी नै … ?

… ना यार जॉब का चक्कर ना है जिसकी रेहड़ी पै जितनी बड़ी डिग्री टंगी पावैगी उसके पकोड़े उतने जादा बिकैंगे … इब ये मैट़्रिक प्लस टू आल्यां के पकौड़े ना खरिदने का कोई , कम्पिटिसन का जमाना है भाई …

जा रै थारी … इनकी बेब्बे कै पकौड़े मारुं ..