आज मौसी का छोरा आ रया था … माँ नै जांदी हाण उस्तै सौ रपइए दिए प्यार के …
मन्नै बाहर लिक्ड़दे ई हेर लिआ … ओ कुत्ते गाजरपाक खुआ कै जा ,

हे प्रभू मेरे इस गुनाह को माफ करना वो भी मेरी गैल ऐसे इ करता है जी

डॉक्टर :- ताऊ जी कैसी तबीयत है अब ताई की …

ताऊ जी :- इब तो किम्मे सुधार सै … तड़की तो मड़ी मड़ी लड़ी बी थी मेरी गैल्यां

करनी सेना वालों से एक करबद्ध निवेदन …

भाई जो भी करो थारी मर्जी है … पर एक काम जरुर करिओ इसी बहाने औढ़ै जो मक्की के फुल्ले अर बरफ आली चाय बेच्चैं है न उनके गट्टे जरुर तोड़िओ मेरे भाई …

सुसरा दस रपइयां का सौदा नी … द्यो जी एक सौ बीस रपइए , ब्लैकमेलर हैं यार … आत्मा तक चिंघाड़ मारै है रेट सुणकै .

दिल्ली की छोरी हरियाणवी छोरे गैल्यां ब्याह दी …
एक दन ओवर स्मार्ट बण कै पति गैल्यां मजाक कर बैठी … ड्रांइग रूम मैं बैठे तै जाकै बोली … देखिओ बाहर आपका कोई रिश्तेदार खड़ा है … 😗😗

पति नैं बाहर जाकै देख्या एक गधा खड़या था … बोल्या ओहो साले साब आप फोन बी ना करया , सास्सू जी ना आई … 😎😎

तीन दन तक मैडम पति की हर बात के जवाब में मैनी मैनी करदी रई … 😏😏

दिल्ली की लड़कियां कृप्या हरियाणा के लड़कों के गुण दोष जान के ही उनसे शादी करें … और उल्टा मजाक तो कतई ना करें … वरना मैनी मैनी करना पड़ सकता है ..

न्यू सोचूं था अक आज एक महान रचना लिखूंगा पेज के दोस्तां तंई …

की बोर्ड पै बैठ्या ए था , माँ की अवाज आई … रै जाइए मड़ा दानें पिसवा ल्या …

एरी माँ तेरे मड़े दानेयां के चक्कर मैं आज फेर दुनिया एक महान रचना पढ़ण तै चूकगी … 😏😏😏

हर महान रचनाकार की राह में रोड़े उसके परिवार वाले ही बिछाते हैं … सइ बात है … हुंह … एकबै फेर हुंह …

आजकल के बालक पेपरां मैं नंबर कम आए पाच्छै घर छौड़ कै भाज ज्यां हैं …

अरै बालको या के बुजदिलां आली हरकत करो हो …

अरै मूरखो म्हारे टैम मैं तो नंबर म्हारे कम आया करते अर स्कूल छौड़ कै मास्टर जी भाज जा था … अक ईब समाज मैं के मुंह दिखाउंगा …

अर म्हारा आठवीं आला मास्टर तो म्हारे रिजल्ट आए पाच्छै पकड़या गया था …

आत्महत्या का परयास करदा

या न्यूज चैनल आल्यां की मानै तो वा कोरिया का कुत्तरु बेरा ना कद दुनिया का खात्मा करदै …

बस एक आखरी अवाज आवैगी …

सूंऊंऊंऊंऊंऊंऊं ठांआंआंआंअअ……. .. . .

हाम तो ज्यांतै तावली तावली पोस्ट गेरां हाँ … रै बैरियो ले ल्यो जी सा … बेरा ना कल हो ना हो .

पप्पी की सगाई होई …
सोने की अंगूठी पहरा दी सुसराड़ आल्यां नै …
नोरमल बात सै …

लोगां तै बहाने बहाने तै अंगूठी दिखाण की कौशिश करै था किसी नै ध्यान ना दिया …
ईब बात नोरमल ना रई …

तंग आकै तीसरे दन अपणे घर मैं आग लादी … लोग कट्ठे हो कै पाणी गेर कै आग बुझाण लागरे थे … अर पप्पी वाए अंगूठी आली आंगली तै इशारे कर कर कै रुक्के देण लाग्या … औढ़ै पाणी गेरो , औढ़ै पाणी गेरो …
थोड़ी हाण मैं एक नै बूझ लिआ … रै पप्पी या अंगूठी कित तै लियाया …

पप्पी उस्तै एक रैप्टा मार कै बोल्या … रै फुफ्फा जे पहल्यां ए बूझ लेता तो मेरे घर मैं आग तो ना लागती …

किसी हरियाणवी तै कदे उल्टा सवाल ना करणा चइए …

मैडिकल स्टोर पै जाकै एक हरियाणवी बोल्या :- भाई मुस्से मारण की दवाई दिए …

स्टोर आला :- घर ले जाओगे … ?

हरियाणवी :- ना गैल ले कै आ रया हूं आढ़िए खुआदे … अर मेरे तंइ चाय बोलदे जाड्डा हो रया है घणा ..

करनी सेना कवै … जे कोए म्हारी लड़की कान्नी लखा ग्या तो खड़या लट्ठ बाजैगा …

सुप्रीम कोर्ट :- देखिए अब मूवी का नाम लड़के वाला रख दिया है … अब देख सकते हैं …

सूप्रीम कोरट साब आपनै तो बोल दिया देख सकते हैं वा जो हात्थां मैं लट्ठ ठाए घूमरे उनके मुंह तै कवाओ जी … क्यों जन्ता की चुतड़ी तुड़वाण आले काम कर रे हो

मैं अपणी सैटिंग के बाब्बू तै :- अंकल जी मैं आपकी बेटी तै ब्याह करणा चांऊ हूं … प्यार करुं हूं जी उस गैल्यां …

बोल्या :- भाई कितनाक कमाले है मिहने मैं …

मखा जी पच्चिस हजार … 😎😎

बोल्या रै बावले बीस हजार तो मेरी छोरी का जेबखर्च है मिहने का …😏😏

मखा जी वा जोड़ कै ए बता रया हूं सर … 😎😎

सुसरे नैं कुत्ते पाच्छे ला दिए … अर ये साले कुत्ते दो किलोमीटर तंइ भजाया मैं … बता इनकी के बेब्बे लाग्गै …

बाब्बू छोह मैं आ रया था बोल्या … उरै नै आ रै कुत्ते …

मैं पूरे स्वैग मैं … होर भांवे कुज वी करले बाब्बू पर गाल नी कड्डणी … 😎😎😎

अरै सुणजा … एक मिंट .. हाए रै … बात तो सुण … मर ग्याआआआ … देख सोरी … सोरी सोरीईईईई सुण तो ले … 😬😢😭

जिस बंदे की गाल काड्डण पै बैन लाण की सोचूं था … उसनै जुत्ता काड्ड लिआ … 😏😏

इसे इसे गाणया पै बी बैन लाओ मोदी साब

बाब्बू :- ओ कुत्ते …
बेट्टा :- हां बाब्बू …

मां :- थम दोनूं लिक्ड़ो इस घर तै बाहर गली मैं भौंको जाकै … 😬😬

What a गजब की family .

समझ ना आई …
आज एक आदमी पब्लिक टॉयलेट मैं तै बाहर लिकड़या
अर दांता मैं तिल्ली मार रया था …
हद ऐ यार …