ਅਸੀਂ ਉਸ ਦੇਸ਼ ਦੇ ਨਾਗਰਿਕ ਹਾਂ ਜਿਥੇ ਵੋਟ
ਸ਼ਰਾਬ ਦੀ ਬੋਤਲ ਨੂੰ ਦਿੱਤੀ ਜਾਂਦੀ ਹੈ ਤੇ ਫਿਰ
ਵਿਕਾਸ ਸਰਕਾਰਾਂ ਕੋਲੋਂ ਭਾਲਦੇ ਨੇ
ਅਸੀਂ ਉਸ ਦੇਸ਼ ਦੇ ਨਾਗਰਿਕ ਹਾਂ ਜਿਥੇ ਪਾਖੰਡੀ
ਬਾਬਿਆਂ ਨੂੰ ਅਕਾਊਂਟ ਚ ਪੈਸੇ ਭੇਜੇ ਜਾਂਦੇ ਹਨ ਤੇ
ਗਰੀਬ ਮਜਦੂਰ ਨੂੰ ਗਾਲ੍ਹਾਂ ਕੱਢੀਆਂ ਜਾਂਦੀਆਂ ਹਨ
ਅਸੀਂ ਉਸ ਦੇਸ਼ ਦੇ ਨਾਗਰਿਕ ਹਾਂ ਜਿਥੇ ਬਾਣੀ ਤੇ ਅਮਲ
ਕੋਈ ਨਹੀਂ ਕਰਦਾ ਪਰ ਧਾਰਮਿਕ ਭਾਵਨਾਵਾਂ ਨੂੰ ਠੇਸ
ਬਹੁਤ ਜਲਦੀ ਪਹੁੰਚ ਜਾਂਦੀ ਹੈ
ਅਸੀਂ ਉਸ ਦੇਸ਼ ਦੇ ਨਾਗਰਿਕ ਹਾਂ ਜਿਥੇ ਗਾਇਕਾਂ ਨੂੰ ਦੇਖਣ
ਲਈ ਭੀੜ ਦੇ ਰਿਕਾਰਡ ਬਣ ਜਾਂਦੇ ਹਨ ਪਰ ਆਪਣੇ ਹੱਕਾਂ
ਲਈ ਇਕੱਠਾ ਹੁੰਦਾ ਕੋਈ ਨਹੀਂ ਦਿਸਦਾ
ਅਸੀਂ ਉਸ ਦੇਸ਼ ਦੇ ਨਾਗਰਿਕ ਹਾਂ ਜਿਥੇ ਸ਼ਰਾਬ ਨੂੰ ਨਸ਼ਾ ਨਹੀਂ
ਮੰਨਿਆ ਜਾਂਦਾ ਜਦਕਿ 70% ਘਰੇਲੂ ਹਿੰਸਾ ਦਾ ਮੁੱਖ ਕਾਰਨ
ਸ਼ਰਾਬ ਹੀ ਹੈ