ਧੰਨ ਧੰਨ ਸ਼੍ਰੀ ਗੁਰੂ ਤੇਗ਼ ਬਹਾਦੁਰ ਜੀ ****
ਜਾ ਦਿੱਲੀ ਸੀਸ ਕਟਾਇਆ, ਗੁਰੂ ਤੇਗ ਬਹਾਦੁਰ।
ਡੁੱਬਦਾ ਧਰਮ ਬਚਾਇਆ, ਗੁਰੂ ਤੇਗ ਬਹਾਦੁਰ।
ਕੀਤੀਆਂ ਜ਼ੁਲਮ ਦੀਆਂ ਸੀ ਹੱਦਾਂ ਪਾਰ ਔਰੰਗੇ ਨੇ
ਬਣ ਮਸੀਹਾ ਫਿਰ ਆਇਆ, ਗੁਰੂ ਤੇਗ ਬਹਾਦੁਰ।
ਸਵਾ ਮਣ ਜਨੇਊ ਉਤਾਰ ਕੇ ਰੋਟੀ ਖਾਂਦਾ ਸੀ ਪਾਪੀ
ਕਿ ਪਾਪ ਨੂੰ ਬੰਨ੍ਹਾ ਲਾਇਆ, ਗੁਰੂ ਤੇਗ ਬਹਾਦੁਰ।
ਭਾਈ ਸਤੀ ਦਾਸ ਜੀ ਨੂੰ ਸਾਹਮਣੇ ਸੀ ਸਾੜ ਦਿੱਤਾ
ਰੱਤਾ ਨਾ ਸਿਦਕ ਡੋਲਾਇਆ, ਗੁਰੂ ਤੇਗ ਬਹਾਦੁਰ।
ਭਾਈ ਮਤੀ ਦਾਸ ਜੀ ਦੇ ਵੀ ਚੱਲਿਆ ਸੀਸ ਤੇ ਆਰਾ
ਸੀ ਜਪੁਜੀ ਜਾਪ ਜਪਾਇਆ, ਗੁਰੂ ਤੇਗ ਬਹਾਦੁਰ।
ਵਿੱਚ ਦੇਗ ਉਬਾਲੇ ਖਾ ਗਿਆ ਭਾਈ ਦਿਆਲਾ ਜੀ
ਇਹ ਕੈਸਾ ਸਿੱਖ ਬਣਾਇਆ, ਗੁਰੂ ਤੇਗ਼ ਬਹਾਦੁਰ।
ਦੇ ਤਸੀਹੇ ਉਹ ਹੰਭ ਗਏ, ਉਹ ਹਾਰ ਗਏ ਜ਼ਾਲਿਮ
ਦਿੱਤਾ ਸੀਸ, ਨਾ ਝੁਕਾਇਆ, ਗੁਰੂ ਤੇਗ਼ ਬਹਾਦੁਰ।
ਪਾ ਰੱਤ ਬੁਝਦੇ ਦੀਪ ਜਗਾ ਦਿੱਤੇ ਵਿੱਚ ਮੰਦਿਰਾਂ ਦੇ
ਧਰਮ ਦੀ ਚਾਦਰ ਕਹਾਇਆ, ਗੁਰੂ ਤੇਗ਼ ਬਹਾਦੁਰ।
:- ਗੁਰਪ੍ਰੀਤ ਸਿੰਘ “ਨਮੋਲ”

ਮੈ ਸਭ ਦਾ ਹੋ ਕੇ ਦੇਖ ਲਿਆ,
ਇੱਕ ਤੇਰਾ ਹੋਣਾ ਬਾਕੀ ਆ ,
ਵਾਹਿਗੁਰੂ ਵਾਹਿਗੁਰੂ